إلى البترك ساكو إلى أين وصل التردي بكنيستك!.

فاضح الفساد/ روما

سلام عليكم يا جماعة الخير

سالفتنا اليوم عن التردي الي وصلت الة كنيسة ساكو الأهوج

جنت وية الدارسين بروما وجتي النا الكهنة الطلاب معلمومات مؤكدة عن مطارنة عدهم اعترفات على قسان بالجرم المشهود، بس ساسوكي متستر عليهم، ولمن المطارنة ودو الادلة لساكو عن طريق (فيلوكسي)، الحجي ساسوكي كالعادة اتعصب واتهور ورفع الموضوع الى السلطات العليا لان هذولي الاساقفة قاموا بإفشاء سر الاعتراف مال هذولة القسان!!! يعني انقلب الموضوع عليهم وساكو استخدم هل امر ضدهم!.

اتخيلو مطارنة يفشون سر الاعتراف، وساكو القصير المكير كلهم بسيطة، ولوة ايديهم لان كلام القسان لبعض المطارنة، جان سر اعتراف!!. فشلون اتصور وشلون وصل الساكو، واشلون اتسرب لقسم من الاكليروس الكلداني؟؟؟؟؟؟؟.

المعلومة الثانية ساسوكي وصل خبر عن طريق وسطاء، اذا موقع انا كلداني بالفعل عندة ادلة دامغة على مطارين وقسان فليبعثوها للبطريركية الكلدانية، وناظر المدرسة ساسوكي سيتخذ الاجراءات الرادعة.

الادارة الحكيمة لموقع انا كلداني، لا تود التشهير بالاكليروس، لان هدفها تسليط الضوء على البقعة الداكنة، وتنوير ماهو مظلم لغرض الإصلاح، فالاصلاح يبتدي من تشخيص الداء اولاً ومسببات الداء، والبحث عن دواء للداء، ولكن ليطلب ساكو هذا الامر من الموقع بكتاب رسمي او لينشر طلبه بموقع البطريركية، آنذاك سوف ينظر موقع انا كلداني بالموضوع، ويتخذ قراره من منظور الرحمة الانجيلية والروح المسيحية والمعيار الانساني.

السؤال الجوهري هو:

ساكو اذا يعرف فضايح الربع مالتة، لعد شيسوي بالادلة، هل حتى يركبهم بالزايد ويمسك لزمات عليهم بالادلة؟ لو اكو مساومات جديدة على البقاء كبترك؟! زين الادلة الي على ساكو المنو نعطيها للمطارنة الي ضدة ؟!.

اخيرا

مولانا ساسوكي الم يفشي ما دار بينه وبين القس صلاح الله يرحمة امام كهنة بغداد؟! الم يشهر ساكو ببعض القسان اذا كان بكتاب انفكاك او بنشر خبر عن القسان الاخرين الذين كانوا شوكة بعين فساده؟!.

ساكو الم يتستر ويفشي سر اعتراف بعض المطارنة عن كاهن رسمه اسقفا رغم انف الجميع رغم الادلة الدامغة عليه؟! الم يشهر باحد المطارنة وعن علاقته بفتاة كهنوته وحرك فلمة بالفاتيكان، ولكن البطريرك دلي رسمه رغم انف ساكو وجبهته المعارضة لان المرحوم دلي يعرف ساكو كلش زين انو يلفق وياول والحبة يسويها كبة ؟!

اخوتي الغيارى

دعونا نأمل ألا يكون ساكو مخطئاً هذه المرة أيضاً، ويطهر الهيكل الكلداني، إن كانت نواياه صادقة، ولكن هذا البطرك الكذاب الكمش مينحزر، ولو هو من فترة ديتعثر بافعالة، وبدأ يحصد مازرعه من شر ومشاكل وتستر وكذب وظلم…

من جيرة بكصتك ساكو منا الى نهاية العالم على هاي الدكة الناقصة والادارة الفاشلة.

بقى شيء نسيت اكولة الكم يا بعد جبدي

احد المطارنة الاجلاء المحترم من الجميع كال بالحرف الواحد، ساكو الميستحي الي يدعي انو وحد البيت الكلداني، ليش اساقفته لم يصدروا بيان استنكار على معارضيه وتضامن معه على النقد (انا كلداني) الذي يتعرض له، والفضائح المنشورة عليه وعلى اكليروسه.

صمت الاساقفة هو تأييد مبطن لما يكتب على بطريركهم وفرح داخلي لان ما يكتب هو لسان حالهم المكمم، واعلان صامت عن رفضهم لساكو المنبوذ، ودعم لصوت الاصلاح الفاضح لادارة ساكو الفاشل. فتخيلوا اشكد الماي فايت جوة ساكو، فهو الجرو الذي ينبح على القطط فقط، وقطة امام معظم اساقفته، وإلا ماذا، فليجبرهم اذن على كتابة بيان استنكار.

ها خوتي ها

عيدتكم هاي سنة شلون ساكو صار بترك بمعلومات موثقة، وشلون نكث بوعوده التي قطعها التي على اساسها وافقوا عليه بعد ان انسحب المطران الحقيقي (الجيد حسب وصف ساكو).

اودعناكم اغاتي