التفاهة الإعلامية

عندما تسأل أي كاهن كلداني عن وضع البطرك المُبجل يكون الجواب: الاعلام صعده والاعلام راح يوكعه.
بالعراقي نسميه (خيخة).
حاله حال كل العرب:
– ظاهرة صوتية فارغة،
– لصقة جونسون، لزاك بالكرسي وما يعوفه إلا على خرابه.
صار واضح للجميع أن الاعلام صعده وسواه براسنا (منقذ الكنيسة الكلدانية) مثل ما يتخيل نفسه! إلى ان وصلت حالة كنيستنا الكلدانية إلى الضعف والهوان والفلتان الإداري، فاقدة احترام الكنائس كلها.
اعمل استقصاء وشوف وين وصلت سمعة الكنيسة الكلدانية بين الكنائس اللي ما كانت تتجرأ وتحكي بحضور بترك الكلدان. يا حيف وأسف على الكنيسة الكلدانية المتقزمة بيك.
– الاعلام الي اخذه طريقة لشهرته هو نفسه اللي يفضحه ويخليه قزم في عيون كل شخص مسيحي واعي ومثقف …
– بكل صلافة ينزل صوره مع الناس اللي تخابرهم السيدة الأولى في البطريركية بحجة السؤال عنهم وتحرجهم لزيارة ساسوكي لأن محد ما معبره في بغداد وجماعته السياسيين تركوه (يا دُوب يلحكون حالهم)، وطبعا السيدة الأولى وبطرقها الكيمائية تجيبهم للمقر البطريركي وتنزل الصور التي تفضحه وتخلي العالم تضحك عليه.

*آخر مقابلاته زيارة النائبة اخلاص الدليمي، وهذه مو أول زيارة للنائبة الفطحلية، هي حبيبة القلب، (جماعة البارتي عن محافظة الموصل) وهنا مربط الجحش!!!

نريد نسأل ساسوكي الشيزوفريني شوية أسئلة وإذا عنده ذره من الكرامة والصراحة والنزاهة يجاوب عليها بمقال نفهم بيه شلون هو يقرأ الوضع السياسي ويفسر لنا شلون يتعامل مع القضايا السياسية بنفس الرؤية، وما ينزلها لأكبر واحد، لأن هو ما يقبل الغلط داااائما يطالب بإلغاء الكوتا أو حصر أصوات الكوتا بالمسيحيين.
اخلاص الدليمي: مو هي نفسها النائبة التي قالت لك أنها صعدت للبرلمان باصوات المسيحيين؟؟
وانت طبعا ما سألتها شلون صارت هل الشغلة، من اين جاء تأييد المسيحيين وحبهم لها بحيث صوتوا لها لتصعد؟
مسيحيي نينوى الذين صوتوا بعدما اجبرهم البارتي على التصويت لها غصباً عن خشمهم وهددهم بقطع الراتب والطرد من الوظيفة إذا لم يصوتون لها؟

مو هي اللي ما عدها ولا نفر مسيحي يعرفها في سهل نينوى واجت رسالة للجنود المسيحيين من البارتي: تصوتون لإخلاص الدليمي؟
أليست نفس اللعبة التي لعبها ريان الكلداني وجاب أصوات مسلمين علمود يصعدون نواب مسيحيين؟
سؤالنا لك يا منفصم الشخصية هو:– يعني أنت تقبلها أصوات المسيحيين تروح لنائبة مسلمة وترفض أصوات المسلمين تروح لنائب مسيحي؟؟؟
شنو هل الشيزوفيرنية السياسية اللي تعيشها؟ صدق لو قالوا: عجيب أمور غريب قضية!!!
مقبولة يمّك الشغلة انه واحد مسيحي يصوت مجبرا ومرغما لواحد مسلم، وما تقبل واحد مُسلم يصوت براحته لواحد مسيحي!!!
ومنو هي هذه النائبة العفروطية علمود تناقش معها قضايا المنطقة؟؟؟
ممكن السيدة الأولى تبحث بالفيسبوك مال النائبة وتشوف إنجازاتها للمسيحيين في الموصل؟
تره الله وكيلك حالها حال كل النائبات في البرلمان: (نفخ وشفط ولفط ولغط وعفط وسخط وخلط وسقط وغلط وعبط) وأرشيف الصور راح يبرهن لك كلامنا. ولما تلجأ لك مرشحة مسيحية مثقفة تقول لها: إحنا ما نتدخل بالسياسة!! على منو تضحك بكلامك هذا؟؟؟ صرنا خابزينك وعاجنينك.
شوية احترام لمقامك وانطي هيبة للكرسي اللي انت لزكت عليه. عيب عليك. لا تتوسل بالناس تزورك وتسلم عليك، ومو كل واحد يدق بابك تستقبله وتكعده براس الديوان. انت رئيس أعظم كنيسة. انت بترك كنيسة لها تاريخ وشهداء وانجازات يكفي تقزمها على حجمك حاول تكبر وتعظم نفسك بعظمة هل الكنيسة. وليس العكس لاتنسى ديوانك مو ديوان عشائر ولا مضيف آل فلان وآل علاّن، انت بترك الكلدان، تعرف من هم الكلدان؟ لو نعلمك احنا؟
انت برئاسة الكنيسة فاشل فحذاري تتبنى او تتقرب من السلك السياسي وتقلد غيرك لان الفشل هو طبعك وما نريد نخجل بعد امام العالم يكفي نزلت راسنا جوا رجلينات الكل فماكو داعي تدرس شؤون المنطقة حتى لا تخربها!
واذا فكرت تدعم فاختار بنات كنيستك مو الي صاعدة على أكتافهم!