(الحلقة الأولى)
عندما يتخاصم الفرسان الأُصلاء يلتزمون بقواعد المخاصمة، فلا يخدعون أو يتحايلون بل يواجهون الخصم وجهاً لوجه دون الاستعانة بالخبثاء والمرتزقة كما يحصل اليوم في الكنيسة الكلدانية.
حيث افتعل ساسوكي أزمة داخلية وجعل منها أزمة كنسية، دون أن يهتم بسمعة الكنيسة الكلدانية بين بقية الكنائس ولا بمكانة الكلدان وشرفهم أمام المسلمين وغيرهم. كل اللي يُريده هو أن يُثبت للناس أنه الجبار العظيم القدير الذي لا يُعارضه إنسان ولا ينتقده مُفكر ولا يخاصمه غريم، وطزّ بالكلدان واللي جاب الكلدان، أصلا وين أكو كلدان كلهم جانو نساطرة وسريان، وشفنا شلون حتى الأكراد خلو النساطرة والسريان في المقدمة، والمطارنة الكلدان صفح، والطامة الكبرى ان الكلدان هم الي مسوين المؤتمر، وهمة صارفين على المؤتمر. حيف إلّخ عيتا دكلدايه.
الآن: صارت واضحة للمشارقة والمغاربة، أزمة الكنيسة الكلدانية، نعم إنها خصومة شخصية بين ساسوكي المتعجرف وأبو الهول الأربيلي المتكبر بخلاف ما يُعلنه القزموز: ليس لي خلاف شخصي … لستُ حاقداً … لا أريد الانتقام … هذه ادعاءات إعلامية فارغة، وعربدة وصياح وعياط وكلنا دايخين ومسطورين بين واحد شعل أبهاتنا بالفيسبوك، والثاني صمٌ بكمٌ.
العاقل والفهيم والطفل والمراهق والنص عقل راح يقول لساسوكي: سيّدنا المُبجل وقائدنا المُفدى: إذا هو مو خلاف شخصي، زين ليش ما تمشي حسب القوانين الكنسية وتحجي وياه الرجّال وتفتهم من عنده وبعدين ترفع التقرير مالتك إلى الفاتيكان، وتترك الموضوع عليهم، ما دام الشغلة هي عند البابا، والبابا هو اللي يحكم البطاركة والأساقفة في قضايا جزائية كبيرة، مثل:-
– التجاوز على عقيدة الكنيسة.
– اهانة الكنيسة الكاثوليكية.
– اهانة المقدسات.
– إساءة استخدام السلطة.
– الفضائح المالية.
تكون أنت كمّلت كل مسؤولياتك بضمير مُطمئن وما يقدر خصمك يحاججك، لأنك فعلت كلشي بحسب القانون الكنسي.
الفاتيكان راح تسألك:
ايها البطريرك الكردينال:
– كتبتَ للمطران؟
– وضحت له نقطة الخلاف؟
– قدّمت له الأدلة الدامغة التي لا تقبل الطعن على أنه خالفَ القوانين الكنسية وعليه أن يعتذر ويتوب ويعوّض؟
– بعثت له وفد من المطارنة وحاججوه بالوثائق التي لديك عنه والتي تُدينه، ورفض الاستجابة لهذه الخطوة؟
– أنذرته بشكل خطي مرة اومرتين ولم ينفع التنبيه؟
إذا هاي سويتها كلها، مو بالاعلام، لكن بالواقع الكنسي، روما راح تقول لك: والله والنعم منّك بطريرك وأب حقيقي، عوف الشغلة علينا، وإحنا ننعل سلفة سلّفاه، ليش منو أبو الهول، وأش يتصور روحه؟
أما إذا أنت قلت لهم:
– أنا بطريرك وكردينال، وأنا بكيفي أشيل وأنقل وأزيح وأوقّف وأعاقب.
تره يعفطولك، وهذه مو حلوة بحقّك، وما نريد توصل لمرحلة العفاط الفاتيكاني، يكفينا العفاط الإعلامي اللي صاير عليكم كلكم.
زين، أنت مستعد أن تجاوب روما على السؤال:
أيها البطريرك الكردينال، بحسب القانون 97 من قوانين الكنيسة، انتَ لازم تسهر على استقامة إدارة جميع الأموال الكنسي مع الحفاظ على أولية الواجب الذي يقع على كل أسقف أبرشي.
السؤال هو:
– أنت لمن عرفَت أكو قضايا فساد في الأبرشية الأربيلية، كعدت مع المطران الأربيلي وقدمت له الوثائق اللي عندك؟
– شرحت له القضية، وين الفساد وين التجاوز؟
– طلبت منه أن يقدم الك الحسابات؟ ليش أكو خروقات مالية وليش ما تدفع لفلان ابن علاّن؟ لو ردتها من الله وما صدقك إجا لك واحد واشتكى على غريمك الأربيلي، وضمّيت الملف على صفحة علمود تبتزه؟
مو عيب عليك الابتزاز، تره هذا مو تصرّف كنسي ولا مسيحي؟ هذه شغله مال ناس تريد توكّع ناس؟
إذا أنت خايف وحريص على أموال الكنيسة، المفروض ما تنام إلا ويرجع الحق لأصحابه؟ شلون واحد يشتغل للكنيسة وما تدفع له الكنيسة حقه؟ حق الناس خط أحمر، وما يصير نظلمهم.
*وطبعا موقع كلدايا مي يتشرف في أن يكون معلّمك في أصول التعاملات والمحاكمات الكنسية: تعال يا مطران تره أكو شكوى عليك من فلان الفلاني، وأكو حجي فساد بفلان مشروع، ووصلت لي سوالف عن تجاوزات وخروقات مالية في الأبرشية، وهذه هي الشكاوى مكتوبة بأسماء صريحة، أو مُفبركة، وضح. اشرح. علل. ناقش. وعود إذا ما اقتنعت بالتوضيح والشرح، وعاندك، والكل يعرفه أسقف عنودي، واذا رفض أن يقدم لك الحسابات المضبوطة أرفع التقرير إلى روما، وخلي روما تتفاصل وياّه، لأن انت طبعا ما تعترف بالسينودس الكلداني، ولابسهم واصلا كلهم جوه إيدك وعندك ملّفات على كل واحد منهم.
سيّدنا يا حكيم زمانك: المُتستّر على الفساد هو أفسد من الفاسِد. وشغلة عندي ملفات وفضائح عليهم، معناها: عندي ملفات ابتزاز، وانت طبعا مو شخص يبتّز؟ أنت إنسان حقاني وشريف وعندك ضمير وتدافع عن الحق وما تسكت على الظلم ونعرف كم مرّة شفت الحكيم وطلبت منه أن يرجع بيت طارق عزيز أو يدفع لهم الايجار. ونعرف أنك قلت لأياد علاوي يرجع البيت لأصحابه. وطلبت من حمودي والمالكي وربعك كلهم يرجعون الأملاك لأصحابها. عيب ما يصير يكعدون ببيوت العالم، صحيح أنت كاعد في بيت الراهبات الكلدانيات، ومستولي على عقارهم غصباً ما عليهم، بس انت انسان حقّاني.
وين شرف الخصومة يا سيّدنا؟ شلون عندك وجه وتفضح نفسك إعلاميا وتقول أنك شخص متستّر على الفساد ومُبتز؟ شخليت للناس؟ شنو الفرق بينك وبين السياسيين العراقيين اللي كل واحد لازم ملفات عن الثاني، وما شاء الله كل يوم ننصدم بملف فساد، والكل خايف من الكل.
لكن!!! ولأنه خلاف شخصي مع أبو الهول الأربيلي، وكلنا نعرف هو خلاف عتيك، وأنت تعرِف أنك ما تقدر تحاججه وما عندك دليل واحد عليه، وكلها سوالف فيسبوكية من برابيك إعلامية وشبكة صارت مكشوفة بإيدنا وناس وصولية، وغيرهم حاقدين حسدا وغيرة، وانت أولهم، لذلك، أفتعلَت أزمة إعلامية، وكأن خصمك قد كسر وصايا الله العشرة، وتضرب عشر عصافير بحجر واحد وتجامل البارتي الكردي في كسر أي كلداني وتذبح كل كلداني وتنطي رأسه بصينية من ذهب لأسيادك الأشوريين والسريان.
بصراحة الكل يقولها: لو كان عندك دليل واحد عليه ما كنت قصّرت معه في روما، لأنك معروف عند الجميع بكتابة التقارير من أيام أم المعونة والسمنير وكركوك، والجزراوي فاضحك للستّار أيام الخصومة معك، وهو وغيره قالوها صريحاً: كان ينطينا معلومات علمود نكتب للسفارة على هذا وذاك، والقائمة طويلة، وما نريد نذكر أسماء المتوفين، ونخليهم يرقدون بسلام.
وين شرف الخصومة يا سيّدنا؟ بالله عليك جاوبنا؟ ملفات وفضائح وابتزاز وعقوبات، وناس بدأت تترك الكنيسة وتلعن اليوم اللي صرتم بيه مطارنة وبطاركة.
بالختام: نتركك لضميرك ولو ضميرك ميت من يوم ولادتك! لكن عسى ولعل تهتزّ الشوارب!!! والمشكلة حتى الشوارب ماكو
إلى السيد ساكو : أولاً : صار لي 12 سنة أكـتب عـنـك منـذ كـنـتَ أسقـف كـركـوك ، لماذا لا تـرد عـليّ وعـلى إدعاءاتي ..؟؟؟
ثانـياً : أنـت صرّحــتَ وبتـوثيق فـيديـو أنـك ستـستـقـيل بعـد إكمالك الـ 75 سنة . طيب ، أنت عـبـرت الـ 75 سنة وتـرفـض الإستـقالة ، لماذا ؟؟؟
ثالثاً : أنت خـنت المسيح وشـوّهـتَ أسس إيمانـنا المسيحي ، بمعـنى أنت هـراطيقي ،