يا للطامة الكبرى على راس الكلدان: “السيمبوزيوم السرياني الأول في الوطن” على حساب الكلدان، قوطما بريشخون

5/9/2024

(فضيحة الكلدان في مؤتمر السريان)

موقف أقل ما يُقال عنه مُخزي وعار على الكلدان.

رسالة واضحة قالوها الأكراد للكلدان: أنتم كنتم وتبقون أغلام عندنا والوقار والإكرام للأشوريين تاج الراس وللسريان الأشاوس.

 — مؤتمر نظمه كلدان وبرعاية جامعة كاثوليكية للكلدان ورهبانية كلدانية، وبحضور أغلبية كلدانية وبفلوس الكلدان وبخير الكلدان، ومن يجون على التشريفات والامتيازات، يكعدون البطريرك الأشوري عن يمين رئيس الوزراء ومطران سرياني عن يساره ويُهمشون مطران الكلدان الأربيلي والموصلي. صدق لو قالو: الكلداني مأكول مذموم، الكل يأكل من خيرك يا كلداني ويشمرك عظم. ياللعار والخزي على هذه الرزالة تسوى دمكم يا كلدان، هذا حجمكم وهذا مستواكم والمرة القادمة انتظروا دعوة تجيكم.

الكلدان اليوم وبفضل آية الله العظمى ساكو صاروا في أدنى مستوى، ماكو احترام لمكانتهم ولا لتاريخهم وللمؤسساتهم . لأن البطريرك نفسه ما محترم كنيسته ولا مطارنته ولا كهنته، ويومياً نازل بيهم بالاعلام من أجل رفعة اسمه القدوس الطاهر وتثبيت سلطته العظمى، وطزّ بالكلدان واللي جاب الكلدان. إذا ناسك ما تحترمك منو يحترمك. اذا ساسوكي بنفسه ركض عند الأكراد ذليل ودخيل يطلب حمايتهم، طبعاً يعتبره غلام هو وجماعته، وهمزين كعدوهم بالصف الأول. بس العتب على مطران أربيل (ليش تروح وشگعدتك يمهم وليش تاخذون على عاتقكم رعاية الموتمر) ياحيف! جنا نعرفك بامريكا واوربا تگعد بالصدر وهنا مگعديك صفح!!! وين وصل بيكم الحال بارض الوطن؟؟؟

ويرجع ساكو النرجسي يعيط ان الكنيسة الكلدانية في عهدي قوية والكل يخشاها، احنا الأغلبية ونمثل 80% ، احنا الاصل ويجيك جواب: طيط، دكوم طير احسنلك، أحنا الكلدان قوة لا يُستهان بينا، وتطلع عفطه صاروخية بوجهك يلي نزلت بينا للقاع!!! انت كرسي ما حصلت بافتتاحية البطريركية الأشورية في عنكاوا، وركضوا جابوا لك كرسي وزعلت وطلعت من الاحتفالية مثل الطفل!

هم إلك عين وتبتسم بالصور يا ساكو يا أبو دماغ البشّة!

خليكم في صراعاتكم التافهة وتسقيطكم الواحد عل الثاني، وطبكوا على صفحة، الأشورين والسريان على الرأس، ناس مرتبة وتحترم نفسها، مو مثلك يدّور عل الكرسي والمنصب يستقوي بيهم الجبان

أقروا تعليقات الناس وضحكهم على عقولكم يا قادة الكلدان الأشاوس. حيل بيكم. يا حيف وأسف على كنيسة الكلدان اللي صارت علج بحلك اللي يسوى وإللي ما يسوى.

ناس تقشمر على بيانات البطريرك، وناس تضحك على سوالف المطارنة، وصار كل واحد يمر يشمرله طابوگة عل واهس وفضايح وقصص مقرفة مليانه المواقع، وكلها لخاطر عيون أبو سوسو.

صورة بألف كلمة:

بالمختصر

اصبح الكلدان أغلام عند الأكراد وتبقون قشمرة للأشورين والسريان، وخليكم تركضون وراهم بلكي يتصدقون عليكم بمنصب وكرسي، وبالعافية للأشوريين وللسريان التمثيل المسيحي .