الـ شيزوفرنية الـ قاتلة
ويستمر ساسوكي الكذاب في تعظيم نفسه، اذ انه أعلن وبثقة أنه اليوم وراء البابا (بشبر ونص) لأنه كردينال وأكو مليار ونصف تحت أمرته!!!
يا جماعة الخير هذا لو أنجن! لو متهستر! لو عنده انفصام بالشخصية! لو مصدك جذبته وعايش الحالة!!!
معقولة وصلت حالته للتخريف ومحد يقول له: سيدنا على كيفك، تره مصختها.
الناس مو غشمه وكلها تعرف أنك هربت لأربيل مثلك مثل هواية مطلوبين للقضاء واللي ينزحون لكوردستان هربا من العدالة. فلا تكذب على الناس وتقول أنا طلعت بسبب سحب المرسوم، هذه ما تُعبُر علينا، نذكرك إذا ناسي: مو انت بنفسك قلت أنا ما أقدر يوميا أطلع للمحاكم ويجيني استدعاء؟
«أزيدك من الشِّعر بيتاً»
تره ريان سكت على سوالفك مقابل صفقه من السوداني، يعني، مو ببلاش، كلشي بسعره، هذه هي السياسة بالعراق اليوم، انطيني وأنطيك.
بالنسبة لـ كوردستان رحبت بيك لفترة وبعدين انطوك رسائل ضمنية وصريحة: انت صرت ضيف ثقيل، عدّل وضعك وأرجع لبغداد، وراح ندعمك.
يا فهيم زمانك ويا مخيخ العفن، وين أكو كردينال عنده سلطة بعد البابا؟ هذه الفتوة على منو تريد تمشيها؟ أكو كومه كردينالات بالكنيسة محد منهم يصرح مثلك ومحد يتوهم عنده سلطة مثلك. نعرف أكو شماس كردينال. وهم أكو أكثر من 3 قسان صاروا كرادلة وواحد حيٌّ يرزق.
انت تعرف شنو اللي دتصرح بيه؟
الفاتيكان تعرف تصريحاتك؟
يمعودين ماكو هيج بطة تلعب شناو!!! ساسوكي تخبّل وكام يهلوس ولازم تشوفون له حل! فضحنا بالفضائيات والإعلام.
وبعدين إذا انت مكانك جبير عند الفاتيكان وانت ورا البابا لازك لزك وعندك هيج سلطة، وتحت ايدك مليار ونصف! أشو ماشفنا ولا سمعنا بـ رسالة احتجاج من الفاتيكان على سحب المرسوم؟
ماكو استدعاء السفير الى الفاتيكان؟
ماكو سحب سفراء؟
ماكو قطع علاقات دبلوماسية بسبب سحب المرسوم؟
الواقع ان الفاتيكان أصلا ما معبرك، بالعكس أعطه مكانة في المقدمة للشيخ الكلداني من زار الفاتيكان، ويكولون عقد لقاءات بعيدة عن الاعلام، وقالوا له بالحرف الواحد: احنا طلبنا من ساكو التهدئة وبعثنا له عدة رسائل لكنه شخص عنيد وصعب الحوار معه!
وهم نسأل: إذا أنت عندك هل السلطة الجبارة أشو ما قدرت تعمل أي شي مع المطارنة المعارضين؟
مو قلت أنا أوقف أي مطران تعاون عل مقاطعة؟ مو قلت تخلي روما تاخذ موقفها منهم؟ أشو
*الثابت ثابت ما هزه الريح الي هججتها عليه علناً!
*وأبو الهول لابسّك وطبّ بيك كول بسكوته، وأنت تشمر عليه طابوق إعلامي فارغ ويرجع على راسك!
*والي بالبلاد الباردة ضربك بانهيار ثلجي على راسك بحيث اعتمدت على تصريحاته الإذاعات والمواقع وفضحك علناً بتصريح عل صفحته الفيسبوكية!
والبقية ولا همهم تصريحاتك …
وين موقفك بالواقع؟ وين السلطة الجبارة مالتك اللي تدعي بيها؟ واضح انك عبارة عن “نحاس يطن وصنجاً يرن”
تعرف انك بهل فترة صاير إضحوكة للعالم …
أيها الرئيس المفدى الجبار الذي لا شبيه له:- انتبه على تصريحاتك الخرده.
رؤساء الكنائس واكفين لك بالمرصاد، وبيانهم الأخير ضربة مدوّية لك. سوالفك صارت مصخرة.
– صرنا من نشوفك باللقاءات نشمئز وخاصة عند المالكي تتوسل بذاك الي هو كان سبب سقوط الموصل وتشريد المسيحيين.
– العالم تغلط عليك من تشوفك ساجد أمام عموري الحكيم سارق الجادرية والكرادة وسالب بيوت المسيحيين بيها.
– العالم تقول عنك عندك شيزوفينة فكرية تريد دولة المواطنة والمساواة والقانون وتطالب بمرسوم الطغراء الذمي؟
دكول ما أتدخل بالسياسة، لعد من ترشح جماعتك للمناصب الوزارية والسياسية هذه مو تدخل بالسياسة؟
من تدعم حزب على حساب حزب آخر، هذه مو تدخل بالسياسة؟
من تجتمع مع سياسيين وتتوسل بيهم علمو يلتقوك، وهم يتوسلون بالسيستاني ويرفضهم، هذه مو تدخل بالسياسة؟
وأخيراً وليس آخراً:
-
نطلب من بابا فاتيكان أن يتدخل، لان تصريحات البطرك بدت تؤذي الكنيسة الكلدانية وتشوه مكانة البابا …
-
نطلب من وزارة الداخلية التحقيق في موضوع “عدم ذكر اسماء خوفاً على سلامتهم” هل يقصد ان رئيس الجمهورية راح يصفيهم؟
إسألـوا الجـبان ساكو ساسوكي : أينما يـذهـب في العالم يعـمل نـدوة
طيب … في عام 2013 جاء إلى أستراليا … أقام نـدوة في ملبورن .. ولكـنه لم يُـقِـم نـدوة في سـدني … لماذا ؟؟؟
لأن مايـكـل موجـود !!!!!!!!!!!!!!!!! سـواءاً يعـتـرف أو يـنـكـر
!!!!!!!!!!!!!!!!!!!!!!!!!!!!!! لأنه حـين دخـل الكـنيسة وموكـب الشمامسة في المقـدمة … قال له المطران جـبرائيل كساب : هـذا هـو مايكـل سـيـبي
واللبـيب تكـفـيه الإشارة