الحلقة الثانية – هل البترك يستمع للنقد والرأي الآخر؟

بقلم الكلداني الحر
فاضح الفساد/ اوربا

سلام عليكم
اشلونكم اغاتي
طبتم وسعدتم ياجماعة الخير

اكو فد شماس بكندا سألني

هل البترك ساسوكي يستمع للنقد والرأي الآخر؟

ضحكت وكلتلة ليش؟

كلي اشو لايصة ابن عمي وواصلة للضالين من هذا البترك ومن هل مطران المايع الي جابة النة عل كندا. شنو البترك ماكو واحد ينصحة يحجي ويا وينير عقلة لو كلشي بكيفة؟

فجان جوابي عل شماس كالاتي:

بالتأكيد لا.

لو جان يسمع ما وصل حال الكنيسة الكلدانية لهل الانسداد الايماني والفوضى المتفشية والمستشرية وماجان شعبنا الكلداني اشتت بالكنائس الثانية ومجان ساسوكسي كل شوية ينط من السيرك مالتة مثل المصراع ويطلع علينا بين فيديو وثاني يدافع عن نفسة ليزيد الطين بلّة.

جاشمالكم ياجماعة الخير مستغربين

مو بالعلوم الانسانية الشخص الدفاعي الانفعالي هو شخصية تسلطية مو واثقة من نفسها، معقدة.

والحجي ساسوكي معقد، يريدن يظهرن نفسة انو شخصية قوية ومسيطر وفاهم ومتكامل ومايهتم للنقد. بس فالح بالتعليل وايذبن اللوم عل (الاقلية المعارضة) ويختلق التبرير الكاذب والمخادع افد سلوك انفعالي مقرف، معتاد عليه ساسوكي في التبرير والضحك على الذقون وتزوير واقع تصرفاته المشينة بحجة الكذب والتلفيق على الرفيق ساسوكي والنيل من الكنيسة والبابا. من جيرة بكصتك ساسوكي اشكد جذاب.

ساسوكينا وحسب المقربين لنهجه (سعفيلوكسي) كالوا انو شيخنا ساسوكي قلق كلش، اي بالله كلش كلش وحزين، عندة ارق وكامن ياخذن منوم من الارق والتفكير بالكتابات الاصلاحية ضده، وهماتين سربونة جماعة سعفيلوكس وثابتيكو انو ساسوكي متعب البال وديكلكل- يرجف. اي بالله يرجفن من الرعب بسبب ما يُكتب ويقال وينشر من نقد اصلاحي عن اعوجاج ايدة في قيادة دفة الكنيسة، والدليل ياجماعة الخير الرد السريع عل النقد، جمالة من المنبر بوعظات القداديس والمناسبات والرسامات او باسماء وهمية مستعارة، بيها شعار البتركية الساسوكية.

عمي شني السالفة حتى منبر الكنيسة ساسوكينا مسفهة ومحولة ساحة حروب، حتى المنبر، جاشمالة.

 شاهد (الاقلية المعارضة) بتمعن بعد دقيقة 1:30

بعد خوية ساسوكي اشورطك بهاي السالفة، هو انت مال بترك ومن شوكت ياساسوكي الشر غلب الخير.

اشو ردودك المتهورة فسكانة وفطيرة مابيها لا منطق ولاحكمة وهماتين مو مقنعة خالية من اداب الكتابة او الكلام.

كلام ساسوكي خريط بخريط وجذب مسفط وانفعالاتة تفضح جوهره واتبين طريقة تفكيره السطحي الانتقامي ونوع الثقافة الاقصائية الي عنده، وطبيعته الانتقامية وحجم تأثره. يابة لعد اشكد ساسوكي مستوي.

يمعودين ردود ساسوكينا المكتوبة والمحكية ما تليق برجل دين، يابة حتى ما تليقن بمؤمن يصلي ويصومن ويعرف اخلاق الانجيل، وهذا واضح من تعابيره وتقاسيم وجهه ونبرة صوته وحركات ايده او طريقة وكفته او كعدته المايعة ونظراته وبلع ريقه. عمي هاي الحركات الساسوكية اتبين اضطرابه النفسي وتخبطه العقلي وعدم اتزانه. والله العظيم ساسوكي الالف الثالث مو صاحي. الله يرحم البتاركة الزلم. من صدك طاح حظ الوكت عل هل الدكة الناقصة.

اكو فد واحد من الاساقفة الكلدان المعارضين بس من جوة جوة مو بالعلن جان كاعد وياي ويه زوجتي، المدام كامت اتصبن الشاي فالمطران كام يغني هذا الخصي خاصينا يعمة. كللتلة سيدنا ادري جاشمالكم ساكتين.

جاوبني المطران: خوني اصبر خلصت مرحلة ساسوكي، المطارين مايريدونه ولازم يستقيل لو يتقاعد مرغم لو مجبور، وحتى لو ساسوكي رسم كم مطران من جماعته ثابتيكو وسعفيلوكسي رغم معارضة المطارين، فالاول جان المفروض على ايران ورفض وبعدين مقدسي كله خلي نرسمه على القوش وانفضها لان هذا ويانة بنفس الخط بس القس (س) الاقوشي الي وعدنا وجان محضر بدلة المطرنة مو ويانة وية الشلة المعارضة، ولهذا السبب ساسوكي المخادع رسمه هو وسعفيلوكسي علمود ايصيرن عنده اصوات بالمجمع، بس وعيونكم مرحلة ساسوكي بالبتركية انتهت وروما جاي اتفكر بالبديل.

انتظروا الكثير