وصلنا من البومة الكلدانية إن: أبو المحاكم العالي مقامه طلع له ريشّ أحمر وصاير يبتسم ويوزع نصائح وحكم يعني رجع للساحة وكأنه شيئاً لم يكن!
الظاهر معدل أموره مع ساسوكي والمطارنة الكلدان وعرَف شلون يجيب نقش!
نذكرك إذا ناسي: سنوات من الصيام والعزوف والوعود والصبر والنقد اللاذع والتهديد بفتح ملفات ساسوكي والمطارنة والشمخرة الباطلة بكلية بابل
أخيراً جابت نتيجة واترشح مطرانًا على ألقوش بحجة: هو ابن الأبرشية وخادم بالقوش وخبير قانوني وما عنده مشاكل مع الكهنة هم طلاّبه وكلهم هو مدرسهم وعنده فضل عليهم .
ومن سألوا كاكا ميخا العنجوقي شلون راح يدبرها مع دونجوان ألقوش الخورأسقف المشهور؟ جاوب: رتبناه وراح يكونون بعيدين.
الظاهر تفاهمات المطارنة ومُساوماتهم (هل مرة) كانت على أعلى مستوى والطبخة استوت: (مشيلي المرشح مالتي وأمشيلّك المرشح مالتَك، وطلعت كل صياحاتهم هورات فارغة).
أما عن ساسوكي الحكيم وبحسب الأخبار طلب معاون ثاني تحضيرا لنقل المعاون الأول الى بلاد العم سام بعد إزاحة سلطان سان ديغوا الرومانسي يعني (عصفور كفل زرزور واثنينهم طيّارة) .
يا قسان سرهد يلي ما كنتم راضين بشليطا راح يجيلكم بلوكر مُعدّل وحيل كيوُت ومدلوع، بس تذكروا انكم: رفضتم الغَبرَة وراح تجيكم العّفرة!!!
أما عن أبو المحاكم الي المفروض نسميه (أبو السوابق) يبعدوه عن عيون ضحاياه المغتصبات لمكان ما يعرفون بسوابقه المنحطة ،،، وحالياً صاير حباب ويسولف مرتب وبهدوء ويدافع عن ساسوكي وحكمته وفطنته وقوّته ويمدح بالمطارنة. عجيب أمور قضية وحيف إلّخ عليك عيتا كلديثا تاليها تنتخبون ساقطين اخلاقياً بحجة خبير قانوني!!!
اولا: كيف راح تغطون على فساده المادي والأخلاقي للخبير القانوني بالمحاكم؟
ثانياً: منو راح يسكت القسان والعلمانيين على تجاوزاته؟ اكو شهود عيان من كهنة وسيمنيرية زمانه ونساء جريئات وقصص عشق ممنوعة ورشاوي للستار واطلقج بشرط ! ووووو هذا الفاسد من البيضة! يعني الضحايا راح يسموطون ابوه بالتقارير وبس ربّك يعرف شلون يطفيها…
على هل حال هذه مو انتخابات! هذه انتحارات كنسية كارثية وساسوكي الفارغ، التافه جدا راح يتحجج ويبرر نفسه لكل مَن وعده بالمطرنة: ” أش أعمل! أنا رتّوُك مطران بس القسان حرقوك “. يضرب عصفورين بحجر وهكذا يتخلّص من كل اللي انتقدوه حتى بأحلامهم، وكلنا نعرف حقد القزموز ماله حد حتى للي في قبورهم راقدين.
بالمختصر (هم رشحه وراضاه وهم حركه الثعلب) .
والبقية تأتي …
الى متى يبقى لويس ساكو ان يسمح للكهنة في كنيستنا الكلدانية ان يقوموا بالتحرش ونسمع كثيرًا فلان كاهن تحرش في فتاة صغيرة وكاهن اخر عنده علاقة مع فتاة في الانكواير يجب طرد لويس ساكو من كنيستنا الكلدانية
إلى الدكتور رياض السندي ….اقول لك من هو سالم ساكا ….كاهن ملتزم بخدمة الكنيسة وله روحانية قوية أهتم بتعزيز التعليم الكاثوليكي حرص على تعزيز القيم الروحية ودعم الطلاب والشباب معروف بحكمته في إدارة الكنيسة ودعمه للتعايش السلمي بين المكونات في العراق متواضغ في تعامله مع الناس ويعرف برحمته واهتمامه بالفقراء والمحتاجين ومحبوبا بين أبناء شعبه ومحترما في الكنيسة اما انت حضرتك يا دكتور جئت بتشويه سمعته اكيد انت غلطان واقول مع كل الأسف أنت محامي ومتعلم ومثقف تكتب هكذا عبارات ضد كاهن أصيل وشريف …اقول لك واسمع مني الكاهن سالم ساكا كاهن بارز يحمل درجة الدكتوراه ويعتبر خبير في القانون الكنيسي يشغل منصب رئيس المحكمة الكنيسة الموحدة الكاثوليك ويعرف بآرائه ومشاركته في مجالات متعددة وتتعلق بالشؤون الكلدانية الكاثوليكية ويؤكد دائما على المحبة .. والصلاة …والعمل الجاد وملتزم بخدمة الكنيسة ويسعى لتحقيق العدالة والسلام داخل الكنيسة …
اخوكم فاضل موشي زكريا خمي