موقع الباطريركية ( شما رابا وماثا خرابا

البطرك يزور ،،، البطرك يستقبل ،،، البطرك يقدس ،،، البطرك يهنئ ،،،

لم يعد يُشرفنا مطلقا متابعة موقع البطريركية الكلدانية الإلكتروني بسبب ضحالة وتفاهة المحتوى الهابط وسوء الإخراج الفني وسخافة المضمون!

حفاظاً على كرامة الكنيسة الكلدانية العريقة، نوجه ملاحظات للسيدة الأولى (القداسة الست مخلص اخلاصية خلاصية مقدسي) عسى ان تنتبه قليلا وتفهم وترّكز لأن بصراحة: انفضحنا بين العربان وصرنا مهزلة ومضحكة للي يسوى وما يسوى. الاعلام اليوم صعّد ناس للحكم ونزّل رؤساء فالأفضل منكم أن “تنطون الخبّز لخبازة”

موقعكم صاير مسخرة بين المواقع، وحرامات الكنيسة الكلدانية تُقزَم بالقصص والاخبار اللي تنزلوها.

1. يا سيدتي الفاضلة الكل يعرف القرار مو بيدك والشغلة كلها عند رئيسك الحاكم بأمر الله ساسوكي. ولكن حاولي تختارين صورة واحدة لأبو العنتين وتصير هي صورة البروفايل الرسمية في الموقع مو كل مرّة تنزلين صورة من الألبوم العائلي. عيب وخزي عليكم هذه شغلات مال مراهقين مو مال موقع كنيسة عريقة عدها تاريخ أكبر وأعظم من سوالف الابتدائية مالتكم .
2. بالنسبة لصورة البروفايل لساسوكي من الضروري تكون رسمية، يعني بيها البطريرك لابسّ القيافة البطريركية الحمراء احتراماً لموقعه وللكنيسة امام الناس (رغم انه لايعرف معنى الاحترام).

تفترون بدائرة سطحية وتنزلون صور: مرّة لابس قاط. مرّة لابس بلوزة حمراء. مرّة لابس جبّة. مرّة لابس قميص وبنطلون. مرّة لابس سوتانة. باقي ملابس نوم ومايو حتى تكمل التفاهة الإعلامية مالتكم!. عيب عليكم شوية تثقفوا تطوروا تابعوا الاتيكيت العام والتكنولوجيا والعصرنة، ركزوا شوية وافهموا ابجديات الاعلام الرقمي هذه صور مال بطريرك؟ وإذا ما تعرفون او صعب عليكم الاختيار والعمل التقني زوروا مواقع الكنائس البطريركية مال الموارنة وشوفوا الشغل الإعلامي المضبوط، الله وكيلكم انتم مسويها جايخانة. طلعوا من دائرتكم اخطوا خطوة جديدة خارج سجنكم !

3. هناك مقولة مصلاوية: “فوك العمى بياس” خلي يفسرها الج إبن السقاقات ومن تختارين الصور لأبو العنتين عيب وعار ومخجل ان تستخدمين فلاتر للصور وتجميل وتشيلين التجاعيد مال الشايب وتطلعيه شاب اسفنيكي، هذه الشغلة مال بلوكرية والفاشنيستات والبرابيك! خزيتمنا. لايحاول يكون بلوكر الكلدان لان الكلدان اعمق من هل تفاهة! عيب عليه شايب وعبّر سن التقاعد وبعده لازگ بالكرسي معروف صار عند كل البطاركة والمطارنة والقسان جذاب وملّعَب ويقلب خمسين قلبّه.

إذا هسه تخلين له فلاتر من يصير عمره 80 سنة شراح تسوين؟ وإذا أنتِ مُصرّة على الفلاتر تره أكو برامج أكثر مضبوطة
4. نشوفكم مهتمين بالإنجازات التافهة لساسوكي

سؤال؟ متى صارت الصلاة إنجاز؟ لان بموقعكم من يصلي إنجاز! من يأكل، إنجاز! من يشوف قوّاد الشورجة السياسية، إنجاز! من يشوف برابيك المطبخ السياسي العراقي، إنجاز! من يزوره سرسرية التاير، إنجاز! من يكتب رسالة، إنجاز! من يستلم رسالة، إنجاز! من يشطّف، إنجاز! بصراحة على قوله المصلاوي: صايره مخبُوطيه. نشوفكم مهوسيين بالإنجازات التافهة والمقرفة وهاي اشارة واضحة للحالة النفسية المزرية التي يُعاني منها البطرك وتأثيره الواضح على الحبربشية الي حواليه “من عاشر قوما 40 يوما صار اتعس منه  .

نرجع لاختياراتكم الفاشلة وللصورة التحفة الي بيها ضحكة صفراء غريبة في مقالته الفقيهة والتي تفضح كم المعاناة النفسية والعزلة التي يعيشها الفزَّاعَة. تره ماكو هيج ضحكة من واحد بمقام خبطته؟ مُبالَغ بيها؟

لا يا چذاب لاتكون تريد توصل رسالة للناس: أني مسيطر ودأضحك؟

تره مستورك كاشف من زمان

5. التمجيد، التبجيل، التعظيم كله للنرجسي ساكو، على كيفك بالأعلام يا ناركيسوس زمانك. مقالات الموقع كلها تصب في تمجيد قائد الضرورة وواضح للكل انه المقالات والبيانات اللي تنزل هي من عنده وهو يكتبها بنفسه ويخلي الأسماء اللي يريده. من ناحيتنا نُبارك له ولكم قلّة الأخطاء الإملائية والحمد الله تحسنت أموره العربية شوية لكن ننوه وبصراحة على المحتوى التافه الفارغ الذي هو عبارة عن خريط بعيد عن أي روحية أو تعليم مسيحي كنسي لأن كل همّه وغمه هو أن يصير ترند اعلامي والكل يعرف هو يطبّش إعلاميا وينشر الأكاذيب والفضائح والتشهير فقط من اجل ان يصير حديث الساعة والمواقع، لأن شغلتين ما يقدر عليها: الهدوء والصمت.

نصيحة او دعوة بمناسبة اقتراب الصوم المقدس ندعوك إلى أن تصوم من الاعلام والعرض في الموقع لربما يعود العقل لمكانه (هذا ان وجد !) .
6. أخيراً. يهتم موقع الحقيقة الواكف لكم بالمرصاد والذي يوبخكم دون تردد حينما تقللون من احترام الكنيسة الكلدانية الأصيلة بخزعبلاتكم ومنشوراتكم الضحلة، مو عيب – جايبين وفد من شباب زاخو وتخلون خبر عن (الوحدة الكنسية) وهو متزاعل مع البطاركة والمطارنة ومع ربّه؟ والأكثر بعد منطي تهديدات بين المطرانيات المؤيدة ان لا تختلط مع المعارضة! مبين من كثر الزيارات السياسية ان الميليشيات مأثرة على منهجك بالقيادة !

بمناسبة الوحدة الكنسية: أين الجمهور الكبير الحاضر إذا كنيسة مار يوسف تشيل 270 نفر وووينهم الحاضرين؟؟

 – جايبين خبر زيارة وفود كنيسة ألمانيا، على اساس اوروبا تحترمه !

والمؤمنين الضحايا هناك يناشدون موقع الحقيقة ان تنشر رسائلهم وتشرح حالتهم المخزية وسمعة الكنيسة الكلدانية الي مع الأسف انمسحت بيها الگاع بسبب السوالف المكسرة للقسان الي أصلا ما يعترفون بيك ومنهم من قال: اكسر رجلين البطرك والزائر الرسولي  إذا تدخلوا بمكانتي ويا الالمان .

باختصار يا سيادة المُبجل والسيدة الذواقة والمعاون الچرچوبة: موقعكم الإلكتروني: تافه وضحل ومُضحك ومخزي، ابحثوا عن ناس مختصة تهتم بيه لانه واجهة للعامة وليس لعب بيت بيوت ….