إليكم ما حدث في هذا السينودس :-
– تجمع المجاملات النفاقية الفارغة.
– سيرك 🤡 مضحك مُبكي …
– شلّة مصلحجية …
– تحالف للمنافقين لا أكثر …
– مصالح متداخلة …
– منافع متشابكة …
– شلّة منتفعين ما يعرفون غير “دبّرني وأدبّرك”…
كللتوا السينودس بصورة أشبه بـ إعلان مسلسل تركي فاشل، احداثه ما تتعدى جوا العباية … واحنا مجبورين نتابعه للنهاية .
طمامة طمكم أيا هتلية على هل الدگه الناقصة طلعتوا ( لاتحلون ولاتربطون )
هاي تاليها ويّاكم؟
جماعة قارب النجاة اللي ما غرق تالي غرق بين إيديهم!
ذَبّحونا بخطب نارية… وشبعونا بيانات خنفشارية… وخلّونا مثل الغنم، مقسّمين أحزاب وتكتلات وزمر وشلّات.
وبالأخير؟ ينشر بيان ختامي على إنجازات ما متفقين عليها أصلاً ، يطلعون بالصورة مو مبتسمين بل ضاحكين ! (علينا يضحكون طبعاً ) ، كأنه ديقولون إلنا : شفتوا فواتيرنا السياسية على ستارة مذبح؟ على صلاة كلدانية؟ على عونيثا؟؟ هسة نريد منكم تصدگون الي شفتوه و بلا أي نقاش !
* حسبالناااا رجعة المطارنة المقاطعين چانت فرصتنا الذهبية:
قلنا يابة جانا الخلاص … نرتاح من مخرب الطقوس، وخابص النفوس، ولاطي الفلوس… قلنا راح تبدي كنيستنا صفحة جديدة !!
لكن !!! هيهااات ثم هيهااات
ما شفنا غير مسرحية : هلاهل ، بوسات، أحضان، ضحكات ، مجاملات … كأنما چانوا متعاركين عل حصة التموينية لو تنكه نفط مو على خراب كنيسة شعب كامل !!!.
راحوا المقاطعين وقدّموا قارب نجاة لساسوكي، وكأنما يريدون يلمّعون صفحته السودة .
ترى إحنا كقسان فاهمين اللعبة زين : البابا الجديد ناوي يشلع البطاركة الشرقيين شلع قلع… مو لأنّه يحب التغيير، لكن لأن جماعتنا سوّوا مناصب الكنيسة مثل سوگ هرج: تنزيلات ٣ بربع .
وبهل أيام بس ربّك يعرف شنو الصفقات اللي صارت!!!
نتساءل:ليش؟ ليش يا جماعة الحظ الأغبر ؟ ليش كل ما نتأمل خير تلطشونا لطشة بغداد الأصلية؟ ما بيكم لا حظ… ولا بخت… ولا خير ولا تعرفون تتعلّمون من الفشل اللي صنعتوه بيدكم.
بصراحة خليتونا نضحك بهل ايام بتجمعكم الكوميدي وبمقررات السينودس خليتونا مضحكة للتاريخ .. صح احنا اصغر منكم رتبةً ، لكن اكبر فهماً للواقع ،،، ونرجع وتقول : “حيف إلّخ عيتا كلديثا ” .
وهل السينودس كان مقدس ؟؟؟؟؟
عندما يتم نشر هذة المهزلة
وبموقع ساكو العفطي
للأسف ان يكون ساكو رجل دين ومحسوب على الكلدان زوراً وبهتان
ساكو انسان ساقط خلقياً واخلاقياً
https://kaldany.ahlamontada.com/t17013-topic