لازال الناس تتذكر حرب الثمان سنوات ويا إيران، المذبحة اللي أكلت خيرة شبابنا. شوارعنا، محلاتنا، بيوتنا صارت مقابر. كل بيت عنده صورة شهيد معلّقة بالصالون، وأم وزوجة تبچي على عزيز راح وما رجع. شباب انساقوا مثل الغنم للذبح: ياما جثث، ياما أسرى، ياما مفقودين.
– قانون التجنيد العسكري كان واضح (إلزامي) الكل لازم يخدم، الكل يلبس الخاكي، ماكو إعفاء إلا بفئات محدودة ومعروفة: “ناقص عقل، عاهة مستديمة، محكوم بجريمة مُخلة بالشرف، أو منتمي لجهاز أمني أو مخابراتي “.
ماعدا هذا؟ إما تروح للجبهة لو ينطّر رأسك ويدفعون أهلك فلوس الطلقات، أو تهرب خارج العراق عن طريق الشمال …
من الطبيعي ان القسان ما سلموا من الخدمة بالجيش وبالجبهات والقائمة طويلة: قس فلان خدم بالطبابة، قس علان خدم بالمخازن، قسم منهم اشتغلوا بالأشغال الخدمية، وقسم حملوا سلاح، عدنا قسان مشوا من الكويت لبغداد حفاة بعد حرب الخليج. وأكو اللي كانوا ينامون بخيام الجنود. صدام ما عفا عنهم، يمكن راعى شوي مكانتهم، يبعدهم عن الخطوط الأمامية، بس إعفاء تام؟ هذا من سابع المستحيلات!!!
لكن! فجأة، طلع قرار إعفاء للقس لويس ساكو! مو بس إعفاء، لا يا بعد روحي، وياها تأشيرة سفر لاوروبا للمشاركة بالمؤتمر كونه الوحيد المختص! وكذلك حتى يكمل دراسته العليا. هنا الناس صفنت: شنو القصة؟
خل نعدّل ونفصّل ونفكر ونمخمخها زين:
ساكو مو وحيد لأهله. ما عنده عاهة لا جسدية ولا عقلية (ولو طلعت علامات لاحقة بيه ). ولا عبقري نووي وكيمياوي حتى النظام يحتاجه. إذاً! شنو التفسير؟ شنو السحر؟ شنو السر؟
ليش صدام اللي ذبح الشباب كلهم يعفي ساكو وحده؟
– ليش آلاف الأطباء والمهندسين “تفرموا” بالحدود، وساكو يعبر مطارات أوربا مثل ابن ملك؟
– ليش القسان كلهم لبسوا الخاكي، وهو الوحيد اللي طلع من العسكرية بـ”البنطلون الأسود ويفتر بأوربا”؟
إذا كان كل شي قانوني، وين القرار؟ ليش ما يطلّع نسخة رسمية من الاعفاء ويبيّن السبب؟ ام انه خايف الناس تشوف ختم “المخابرات”؟ شنو علاقة ساكو بفقرات “التوجيه الوطني” اللي كان يفتتح بيها قداديس الأعياد؟
شنو هالغيرة الوطنية المفاجئة اللي تخليه يكرّر خطابات صدام من على المنبر قبل القداس؟ وأعتقد من كنّا طلاّب عنده كنّا نخدم بهل قداديس سواء بالموصل أو في بغداد؟
صدام حسين، اللي ما يثق حتى بظلّه، يبعث واحد برّه يكمل دراسة ببلاش؟ ليش؟ وين المقابل؟
سؤال بريء:- منو اللي كان يزوّد بغداد بالتقارير عن المعارضة الآشورية بفرنسا وألمانيا تحديدا؟
هناك شهود على خباثتك ضد المعارضة الآشورية في اوربا! وطرقك الملتوية في محاولة التشهير وتقديم تقارير سلبية …
منو اللي عنده غطاء ديني يخليه يدخل البيوت والمقرات ويلتقي شخصيات مهمة ويناقش في جلسات خاصة ويسمع كل شي، ويرجع يدوّن ويبعث؟؟؟
ليش ساكو وحده رجع من أوروبا محمّل شهادات وامتيازات، بينما بقية القسان رجعوا مشي من الكويت متبهدلبن وأعصابهم محروقة من الجبهات؟
ليش ما يطلع على الإعلام علناً ويقول: “أنا أعفيت لأني (كذا)”؟ ليش هو بالذات؟ على راسه ريشة؟ لو النظام شاف بيه فرصة ذهبية؟
النتيجة: الإعفاء ما كان تكريم خاص اله، لأننا نعرف تماما ماكو شي اسمه “رحمة صدامية”. هذا النظام كان يشتغل بقاعدة وحدة: أعفيك !مقابل خدمة.
هنا كل الطرق تودّي لجواب واحد: انتماء الخائن للأجهزة المخابراتية الخاصة …
كان “واجهة كهنوتية” للعلن، و”مخبر سري” للباطن. ورقة بيد النظام، يستخدموه لمصالحهم. يغطّي ويخترق ويحرق، وبالفعل نجح في اختراق المعارضة الأشورية في أوربا وأمريكا … وهو يعرف كلّش زين أش كتب عن زيارته لأمريكا ومنو التقى من الشخصيات الكنسية والمدنية واللي احترقت بنار قلمه الخارق الخائن.
يعني باختصار: صدام ما عفا عن ساكو لأنه يحب الكنيسة أو يحترم الدين…
عفا عنه لأنه كان محتاج خدماته الاستخباراتية.
واللي ما يصدّق، خلي يجاوبنا : ليش ساكو وحده معفي عن الخدمة الإلزامية ؟
الدكتوراه هي السبب ؟ تناقض نفسك بتصريحاتك باللقاء (بعد اول دكتوراه رجعت بأمر من مطرانك لكن حسب تمثيليتك وعده طلع فاشوش وانطلبت للخدمة العسكرية لكن بعد الدكتوراه الثانية طلع القرار صحيح واعفوك؟ بلا زحمة شنو الفرق بين الدكتوراه الاولى والثانية؟ على منو تضحك؟؟؟ هاي الورقة تغسل بيها ،،،، مو أطفال گدامك حتى تضحك عليهم، بفانتازياتك. واحتمال انك طلعت شاركت في المؤتمر حسب كلامك وفلتت من العودة! يعني لا قضية إعفاء ولا بطيخ .
بحسب دراسة “لغة الجسد” فحركات جسدك الضعيف يفضح كذبك، وهذا واضح جدا من شعرك لرجليك.
للمُتساءل والمتابع والمتفرج:- شغل عقلك واحكم! زمن الجهل والتبعية قد ولّى ،،،
!!!!مقولة مثلث الرحمات المطران بولص فرج رحو: يشعل ديني
