هذا مُعاون لو بَهلوان ؟ ساسوكي اربط المعاون مالتّك … فضحتونااااا

نحن هنا من موقع الحقيقة نقول لك اننا في دولة ديمقراطية ولنا حرية الرأي ما نحتاج إلى أي دعم حتى نوصل الحقيقة It’s a free country, Bro

صدق لو قال المثل: ضربني واشتكى وسبقنى وبكى. ليش منو اللي بدأ اللغة الهابطة في الكتابة؟

نذكرك بالحرومات والغلط والفشار اللي نزلته من يوم الأسود اللي صرت بيه بترك. جيفة … عفن … عبّي بالخرِج … قرود … حيوانات ، الخ ،،، هي هاي كلمات واحد متربي ودارس وصاحب منصب وعنده شهادات سوربونية ؟ ننصحك تتصفح المواقع الكنسية وتشوف الرصانة والاحترام وتقارنها بـ الخرابة الإعلامية مالتك ومال البهلوان الي وراك وراك مثل الذيل !

شوف الفرق في المحتوى والمضمون واللغة والمواضيع!

صراحةً كنيستنا بوجودك ومع كل الأسف  تحول موقعها الرسمي إلى ألبوم صور هابطة لك وللمعاون مالتك المهووس بنفسه !!! مرّة بالجبه ، مرّة بقميص نص ردن ، مرّة بقاط ،مرّة أسود ،مرّة رصاصي ،مرّة مبتسم. مرّة كئيب ، مرة ويا العلم ، مرة يم التماثيل . متأثرين حضرتكم بسلفيات مال البلوكرية !!! خجلتونا بين الكنائس . يمعود الزموا نفسكم واحترموا (عيتا كلديتا ) اللي صارت ماعون برياني بيدك وبيد البهلوان مالتك والسيدة الطويلة . صرنا فرجه للعالم نخجل منكم ومن صفحاتكم . نصيحة لوجه الله وما نريد منها الا سمعة الكلدان: اربط المعاون مالتك الي يدور لايكات وقلوب  بحبل غَزِل تره ديسكط عامي شامي وراح يندار عليك بيوم لانه ذو شخصية مهزوزة !

صحيح كلشي فلت من ايدك، بس على الأقل اضبط شغلة وحده بحياتك.أسال اعلاميين ينطوك رايهم بصراحة بالموقع ومحتواه واسمع منهم .خلي ناس مختصة تهتم بالإعلام الباطريركي للكنيسة الكلدانية تره اللي ديصير بالموقع الإعلامي مالتك فضيحة وكارثة والكنيسة. لازم تفرّق بين موقع اعلامي كنسي وبين صفحتك الخاصّة على الفيسبوك …

خلينا نفهّمك، لأنك دا تخربط هواية وما راح تلّكفها :

صفحة الفيسبوك هي مثل گعدة بالقهوة وگعدة ع الكوشة، جاي وجذب، سوالف، صور وكم سالفة وابتسامة حلوة . واحد ينشر، الثاني يعلّق، الثالث يحط قلب… يعني أجواء چاي أبو الهيل. بالضبط مثل حال الموقع مالتك هسة، وهم شوية أرتب.

بس الموقع الرسمي؟ لا، هذا مو مال شقه وضحك وسوالف. هذا يُعتبر مرجعية. دفتر النفوس الإلكتروني مال البطريركية كلها، مو بس مال اللخلّفوك. مواضيع رصينة. أخبار مرتبة. تاريخ وحضارة وبيانات ورسائل مضبوطه ضبط العكال. مؤسسة منتظمة ، راقية الفكر والمضمون . واضح الفرق لو صعب تستوعبه؟

عيّن لك جماعة مختصين يرتبون الموقع وينزلون صور تليق بموقع كنيسة بطريركية عريقة لها تاريخها وانجازاتها ، ناس تقدر تقول لك وللمعاون شلون تكتبون خبر مو اي شي يخطر ببالكم تنشروه ! دقّة التصوير. مهمة تره الصورة رسالة للعالم، وما شاء الله صرّنا مضحة للعالم بسببك أنت واالخفيف العقل مالتك . صوركم صادمة ومبتذلة وترويجيّة سطحية وتافهة. ما بيها روحانية. ماكو دقة الوان أضاءه وانارة. والسالفة بيها اختصاص. والاهم البابا الجديد لأون الرابع عشر تره أبدا مو مال طشة واعلام  فاحترموا نفسكم قبل ما تترزلون على حالتكم الهزلية المخزية وانتوا على اساس شايلين اسم الكنيسة الكبيرة !

يكفي تضحكون العالم علينا، اللهم أشهد اننا بلّغنا.