عاهدنا هذه الفترة تخبطات القزموز وسط العمالقة، القزم ما مصدّق روحه مشارك في انتخابات البابا. الإعلامي ساكو لم يتحمل يسكت 48 ساعة ويدفن اسرار انتخاب البابا وصار يوزع تصريحات على القنوات ويستحمر الناس البسطاء السذج قائلا: “كان عندي أصوات ولكن لأني شرقي ما صوتوا لي“. عبارتك هذه فيها غلط وتُهم على كل الكرادلة بما معناه وصفتهم بأنهم أُناس عنصريين يتعاملوا باستعلاء على الشرقين! والكنائس الشرقية غير محترمة ولا مُعتبرة لديهم! وبحسب كلامك انه لايوجد عدالة ولا انصاف في الفاتيكان!
عود يعني: أنا مرشح قوي وكان عندي دعم من السوداني وهو بعث برقيات عاجلة للفاتيكان: مسوق صاير لشعارات “ماكو ولي إلا عليّ نريد حاكم جعفري” والجعفري مالتنا هو ساسوكي. بس لو نعرف على شنو شايف نفسك؟
فوكاها مرة يصّرح علناً ويرجع ينفي بصفحته! ومرة خفية للمعاون مالته: البابا ما معروف بس أنا كان أعرفه وكنت كل الوقت قاعد جنبه، وواحد من الكرادلة وضع ورقتين، وكان أكو أوراق باطلة، واجو كرادلة وطلبو مني صوتي للبابا!!! وأنا طلبت من الكرادلة الأصدقاء يصوتون للبابا!!! وطلبت من البابا ان لا ينسى الشرق الأوسط ووووو
يا دثو يلي ما ينفع بيك شي، البابا الحالي كان أصلا مسؤول عن مجمع المطارنة في الفاتيكان، يعني: يعرف كل المطارنة ويقرأ تقاريرهم واحد واحد ومتطلع على وضع كل أبرشية أحسن منّك ومن اللي خلّفوك تجي انت بنرجسيتك تعلّمه أن لا ينسى الشرق الأوسط؟ مسوي فضل الأخ! وبالنسبة لبابا روما، يعني اسقف روما اللاتينية … شلون يجي واحد شرقي يحكم عليهم؟ انت الطقس ما مدبره بالكلداني وتطلع للعربي، وتزحف عل لاتيني وبالنهاية تكلبها بينا كلّنا؟ تكفينا البهدلة الي صارت على ايدك بالطقس الكلداني.
يا دماغ البشّة ما تقدر تضبط نفسك وتلزم روحك شوية. كردنيال مسؤول على مجمع الأساقفة ويشتغل بالفاتيكان من سنتين في أهم مجمع ومحد يعرفه؟
عام 2023، استدعى إلى روما ليترأس أحد أهم المكاتب في الفاتيكان: (دائرة الأساقفة) المسؤولة عن تعيينات الأساقفة حول العالم.
وهذا المنصب منح بريفوست نفوذًا كبيرًا في أروقة الكنيسة العليا. والكل يعرفه كان صديق البابا فرنسيس، اذا محد يعرفه شلون خلصت الانتخابات بأربع جولات؟ يا جاهل شوي حكمة بالتصريحات مو خجلتنا گدام العالم! ما تفكر شوية وتعقلها براسك: إذا هذا ما معروف شلون دخل اسمه وبعد أربع دورات جاب ما يقارب التسعين صوت؟ هذا إذا ما كان معروف بحسب جذبك فضوها بأربع جولات، لو معروف شلون؟ يا فطير، أركز شوية يمعود والّزم روحك ولا تصير مثل الأرملة تولول وتشحط هنا وهناك. تره العالم دتضحك عليك، وعلى كولة واحد من القرن الثامن محد فتكها غيرك، وحاليا الفاتيكان متورط بيك من راسك لساسك. تره ما بقى لك شي ويشحتوُك، وأخاف عبالك البابا فرنسيس مات، وكلشي خلص، تره سوالفك ما خلصت ومحد ما راح يفيدك لا فليوني ولا ميلوني تره انت قشمروني مو أكثر.
بعد خبرتنا بتصرفاتك هذا الاسبوع عرفنا وتأكدنا عن الفتّان الذي كان ولازال يفشي اسرار اجتماعات الكنيسة الكلدانية كل فترة قيادتك الفاشلة، لان الذي لا يحترم قدسية الاجتماعات ولا يحافظ على سرية الاحداث بها في المجمع المغلق (الكونكلاف) فطبيعي جدا وبكل سهولة يفشي اسرار واحداث وتفاصيل لقاءات كنيسته ويخليها براس غيره.
بجولتك هذه للمشاركة في انتخاب بابا روما انت ما حصلت غير (كما ذكرت بلسانك مفتخرا): “أنا كل الوقت كنت قاعد بصفو” يا هنيالنا بيك، هذا الي حصّلناه بوجودك انك مجرد جليس بصف العظماء. وحيف إلخ عيتا كلديتا
Add Comment أضف تعليق