كاهن غيور يسأل :-
أين وصلّت الكنيسة الكلدانية العظيمة؟
يا ساسكوكي القزم قزّمت الكنيسة على حجمك وطولك وخرَفَك ووصلتها إلى أقبح مرحلة وما بقى لها احترام بين الناس وصرت قشمرة ومادة اعلامية بيد اللي يسوى واللي ما يسوى.
– المطران المثقف صاحب شخصية، جعلت منه زائر رسولي ونفيتوه خارج البلد فقط كي تخلص من شوفته، وهو حالياً لا زائر ولا بطيخ. نتحداه إذا يقدر يقول لأي كاهن في أوروبا (على عينك حاجب).
– المطران الي كنا نقول عنه شاطر وذكي ويعمل على ثبات الوجود المسيحي في البلد، أصبح مطلوب في المحاكم الأمريكية بتهم الفساد والتعامل مع المليشيات!
– قس مطلوب في المحاكم بتهم التحرش بالأطفال!
– شكاوى على المطارنة والقسان من كل حدب وصوب!
لكن!!! أرنب بغداد يصول ويجول فاتحا وخامطا وانت ولا عبالك.
لكن!!! نفر تيتي يلعب بالمال والبنين لعب وانت سعيد بيه مع سعادتك .
لكن!!! رورو المدلل بكندا يعيش مملكته براحته وانت مرتاح.
أما عن هولندا والمانيا فحدث ولا حرج!
و ف ج ن ي … الخ
نتحداك اذا انت صادق مع نفسك أو صريح كما تدعي وتقشمر على العالم. إذا أنشر الرسائل التي تصل لك من كل الأبرشيات عن الخروقات اللي دتصير في الكنائس الكلدانية؟ بيك خير: اخذ قرار واحرم الفاسدين مثلما حرمت وشهرّت بقسان يخدمون بكل تفاني وإخلاص وبالتالي فضحوك وطلعوا خياساتك، ولازالوا ويبقى صوتنا وراك وراك مهما طال كذبك.
دمرت الليتورجيا والروحانية وكل ما تطاله يدك:-
– المتاجرة بالقداديس والتفنن والشطارة في جمع المال والحيلة وخمط واخفاء الدولارات واليورو وما نسولف عن الفساد الإداري واستغلال السلطة والفساد الجنسي والسفرات في المنتجعات الفخمة للقسان … كلها توصللك وانت تعرف بيها يا استفزازي ومخليها أوراق ضغط على هذا وذاك من الفاسدين. وين شعارات الإصلاح يا روبن هود زمانك؟
الفلتان في الكنيسة واصل لأبو زعبل والفساد معفن من الراس حتى اخمص القدمين وانت ولا مشغول بحقدك والانتقام من معارضيك اللي يفضحون سوالفك وينتقدون سياستك الفاشلة.
مو عيب عليك يطلع الكلداني ويقول: خلي ساسوكي يرشح للانتخابات وأنا أدعمه؟ وين صار مقامك يا أيُها المُبَجَل ؟
يا عيب وكل الأسف على الكنيسة الكلدانية العظيمة وين وصلت تحت إدارتك المريضة؟
وصل بيك الحال انه من خوفتك وضعف شخصيتك صرت تقدس بالخفية مثل الحرامية (في محافظة دهوك) عند كاهن معروف من زمانه بتمرده وانتقاده ومن دون علم مطران الأبرشية.
يا عيب وأسف عليك يا مخرف نحنُ هُنا لك بالمرصاد، روح إلعب بعيد وخليك بحدود منطقتك.
شوف نفسك لأي مرحلة من السفالة والضحالة واصل؟ شنو هل شيزوفرينيا اللي عندك يا رجل؟ بأي عُرف وبأي قانون كنسي تغزو أبرشية من دون علم المطران؟ ما تعرف عن الأصول الكنسية يا أوصولزيز؟
تخيل من كنت قائد المعارضة ضد البطريرك دلّي هل كنت تتقبل يجي أسقف ويدخل الأبرشية ويقدس من دون أن ينطيك خبر؟
بالحقيقة صاير حيل دتخربط ننصحك تراجع طبيب، عليك بس تحجز في الشماعية والتوصيلة والأدوية علينا. بس شوف حل.
عن روما الي ضربتك بوري 100 انج وانطتك الأذن الطرشة ولبستك وشمرت قضيتك بالزبل ويمكن لفوا بيها حب شمس لانك بنظرهم فاشوش وما بيك خير.
عن المطارنة الي لابسين الوضع ولابسينك كل واحد بقياس اكبر من 46 وما صاروا يعبروك بعانه، كلمن يداري بروحه ومملكته وما تتجراء وتقول لبطران تارك ابرشيته بالصوم وفاتحلا مكتب للسياحة والسفر وفوكاتها صاير مرشد سياحي علمود يستفاد من فلوس السفرة؟
وين هو واجبك يا جبير القوم؟ ليش ما تحاسبه؟ شلون تسمح ان يترك أبرشيته بزمن الصوم المقدس؟ لو هذا حبيبك ذيلك وكلشي مسموح لأمثاله؟
بالواقع متيقنين صرنا ان التاريخ راح يكتب اسمك بالعار والخزي ، كيف لا وفي مرحلة رئاستك الفاشلة نزلت سمعة الكنيسة الكلدانية للحضيض ولازالت مع كل الأسف .
مبروك للأشوريين سقوط الكنيسة الكلدانية وعفية عليهم طلعوا أشطر منك انت كنت تقول عليهم دارويش! طلع ماكو درويش وفاشل غيرك.
إكتفينا من تفاهتك “ارحل وارحم الكنيسة الكلدانية “
