ان كل مَن يتابع تصريحات ساسوكي القزم ويقرأ كتاباته يتأكد من غموض في حالته النفسية ووجود اضطراب نفساني شيزوفريني مفضوح في شخصيته. فالقزموز أبو عيون جريئة يقوم بإسقاط مشاعره الخبيثة ورغباته الدنيئة وافكاره الشريرة والمرفوضة وغير الواعية على الآخرين، تلك المشاعر التي لا يحبها في شخصيته عوض الاعتراف بأنها مشاعره ورغباته هو وكل هذا لـ يحافظ على صورته الجميلة الزاهية المغسولة بقاصر الشورجه. يعني بالعراقي الفصيح: يتغدى بالآخرين قبلما يتعشون بيه، ويكول للعالم: هذوله عدوانيين. هذوله شرانيين. هذوله منافقين. هذوله فاسدين. هذوله مشيطنين. هذوله حياليين وآني المسكين القصير ضحية شرهم وعدوانيتهم وخباثتهم، وما لي الا الله.
انت فعلا بحاجة إلى مُعالج نفسي …
يا عنتر السرجخانة تره محد ما راح يصدق سوالفك لأن انت اول واحد ما يطبقها وتريد مثال:
أرجع وأقرأ اللي كتبته في مقال الصمت والصلاة، وتنصح بيها الناس علمود يكون عدهم صمت اللسان وصمت الجسد وصمت العقل وصمت الروح.
أياااا مصموُت، ما تصمت وتخلصنا.
_منو مثلك يغلط على العالم ويطعن بشرف الناس بالاعلام وبالكرازة وبالتصريحات؟
_منو مثلك يتعصب ويكول كلمات ما تليق بمقام رجل الدين؟
_منو مثلك يفضح أغلاط الناس والمفروض تستر عليهم كونك رجل دين؟ _منو مثلك يسولف كلام مثير للجدل ويصير ترند مال المواقع؟
_منو مثلك يدّور لايكات وإعجابات فيسبوكية تافهه؟
خلينا نذكرك إذا ناسي بمؤامراتك على القسان والمطارنة والبطاركة وتحريضك عليهم، هذه الدگة الناقصة بحد ذاتها ينرادلها مقالات طويلة لأن ما خليت واحد وما جرخته بتقريرك ولزكته برسالة وطيّحت حظه بمنشور.
العصفورة بدأت تفضح حيواناتك الفيسبوكية اللي تعبّر لهم قصص وافتراءات وتنشرها بموقعك المصخمن والعار المليان أكاذيب باطلة.
*إذا أنت خوش آدمي من ينكتب تعليق سيءٍ على القسان والمطارنة لازم تشيله من الموقع وتسوي بلوك على صاحب المنشور، وتحرمه من الكتابة في الموقع هذا هو الشغل الشريف والشهم، بس لأنك ناقص تبقي التعليق وتعلّق انت على التعليق لأنك أنذل منهم وتفرح من يعلقون الناس على القسان والمطارنة.
*بيداويد سوّاك آدمي وجابك من الموصل بعدما بزعت روح كرمو منّك وطفح الكيل وخلاّك مدير سمنير وانطاك اسم ومكانة وبالأخير (خليت صورته بالتواليت) لو هذه ما مسويها؟
– مو انت طلبت من القسان يكتبون ضد ترشيح فرج وشليمون وشير؟
– مو انت جمعت تواقيع ضد المطارنة القسان ووديتها للسفارة الفاتيكان؟
– مو انت طلبت من التلاميذ يكتبون ضد بيداويد؟
انت من كل عقلك كنت تصير مطران لوما بيداويد مشاها لك؟ والله لو بوقت دلّي ما كنت تشوفها بحياتك حتى بالاحلام وجنت تبقى متبهذل بالموصل.
– منو مثلك داهية ومشيطن في التخطيط لتحطيم سمعة الآخرين وخاصة معارضيك وخداع الآخرين علمود توصل لمُرادك يا عفن.
نسيت مؤامراتك ضد القسان والمطارنة الكلدان؟ تذكّر كم واحد حركت اسمهم بروما؟ : ربّان وحبّي وجاك ومانوئيل وصبري وزهير وفيليب وجميل وفادي وصبري وباوي … والقائمة تطول؟
نسيت شلون قشمرت ربان وميخا علمود توكف بوجه دلي وخلقت المعارضة الشمالية ووصلت للبطريركية وبعدها ذبيتهم گشر؟ شلون راح تشوف وجه ربّك وانت ما خليت حتى الميتين يرتاحون ولاحكهم بسوالف منحطه مثلك لأن ما تتحمل واحد يقول كلمة طيبة بحق الشهيد فرج رحو ولا تفرح من يمدحون كاهن أو مطران لأنك حسود وتغار حتى من الميتين.
أحلفك بالكرسي الي لاصق انت بيه (مرّة وحدة بس أقرأ بصمت وصلاة ما تكتبه للآخرين)
وياااا طبيب أشفي نفسك.
سبق لسماحة لويس ساكو أفـنـدي أن قال : (( لَيْسَ بِوَسْعِ إنْسانٍ مَسْؤولٍ وَشَريفٍ أنْ يَكْـتُـمَ كَـلِمَتَهُ لِأنَّ الصَّمْتَ مَوْتٌ لِـلـذاتِ وَلِلآخَـر .))
إذن ، في نـصيحـته هـذه للناس حـين يقـول : (( أنصح الناس عـلمود يكون عـدهم صمت اللسان وصمت الجسد وصمت العـقـل وصمت الروح )) … فـنـحـن نسأله في هـذه الحالة : هـل يكـون مسؤولاً شـريفاً ، أم تموت ذاته ؟؟؟؟؟ .