إسمعوا آخر عيطات القزموز!!!

حالياً السالفة اللي مدوخة گعدات القسان وساطرتهم وفرّت عقلهم فرّ!!! هي آتفه تصريحات ساسوكي القزموز :

انه ديفكر وديهدد أبو جاسم:

اذا روما ما عملتي اللي أريده (ما عاقبت المطارنة المنشقين) راح أسلم البطريركية لمار آوا ونترك روما …

بصراحة تصريح قوي ومقتدر ويرفع اثقال وطابك بزيونة وبس ينقص له عفطة شيخان العربنجي أبو نورية البغدادي اللي معروف عنه صاحب أطول زيج.

يا أهبل زمانك: لا انت ولا مطارنتك الطراطير يقدرون ينطون البطريركية الكلدانية لمار آوا ولربعه، فـ ياقزموز مد رجلّك على كّد لحافك، لأن مصختها هوايه، وطلعت جيفتك بكل مكان وبكل تصريح.

*هاي العيطه الساسوكية ترجعنا قبل عشر سنوات من صرّح أبو عيون جريئة وسوالف خبيثة انو راح يتنازل عن الكرسي البطريركي للبطرك الأثوري، وطبعا لأن الكل يعرفه يدّور طشّات بوكتها صار ترند، وهذه وغيرها تختصر فوضوية وعنجهية هل خبل اللي يتصور انو البطريركية مالته ومال اللي خلّفوه، ومسجلة باسمه علمود ينطيها لِمَن يُريد! فيصعد الكرسي وينزل من الكرسي، وفوك القهر حتى الأثوريين ما رضو بيه، شكد عيب وخزي، وشنو هل المستوى الواطي يا غبي زمانك.

يا دماغ البشّه، صحيح انت بين مطارنتك مثل (مُلاَّ عبد الفوّال البغدادي) تمشي وتصيح الجهال وراك والعالم باع باع وماع ماع … بس لا يضربك الهوا الشرجي زايد، تره الدنيا مو فالتون ومو عبالك هي هيته، وانت تعرف ما بيدك شي.

إذا رحت للأثوريين محد يعبرَك وتكون نكرت الإيمان الكاثوليكي، وهذه بحد ذاتها خطوة حرم وتنضرب بسببها مئة جلاّق، ومحد يتحسف عليك.

*صرت تعرف كلّش زين ما عندك رصيد بروما، ولو كان عندك تأثير جان كوّمت الدنيا وما كّعدتها على المطارنة، وخاصة على أبو الهول الأربيلي اللي لابسّك من زمان وما مخليك اعتبار وانت بنفسك كتبتها مرزّلك ومطيح حظك.

تره العالم كلها تعرف روما ساكته عليك وعلى خربطاتك احتراما لكرسيك مو احتراما لطولك ولا لفكرك، لأن أصلا يعرفونك أبو المشاكل وما تكعد راحة، وراح تسمع شغلات ما ترضيك وتعصبك هل الأيام، فلا تهمبل زايد براس العالم واعرف حجمك وطولك محد يفيدك بروما.

– نرجسيتك وصلت لمرحلة مَرضية وكراهيتك وانتقامك يخليك تحرق تاريخ كنيسة عريق.

– تتصور أنو هل الكنيسة لازم تنتهي بموتك ؟ تريد تنسف تاريخ رجال كنيسة عظماء تحسدهم وما قدرت تصل لمستوى رجلهم لأنك قزموز طولاً وعقلاً وقلباً. صرت تتخيل نفسك بطل وتقول أنا فقط ومن بعدي الطوفان والخراب. شكّد ناقص أنت ودجال!

الكارثة مو بس بـ القزموز الطولي والعقلي!المصيبة بالمطارنة الكلدان اللي ساكتين وخانسين ولا يهمهم شي من الوضع، معقولة لازم عليكم كوارث وخاصيكم خصي بحيث ما بيكم رجّال يقول له: كافي طوّختها؟؟؟

أش راح تفيدكم روما وأش سوّت لكم روما؟ الكنيسة صارت علجّ بحلگ اللي يسوى وما يسوى، وانتم ولا يمكم الشغلة، لا غيرة عل الكنيسة، ولا موقف رجولي مسؤول منكم!

نسيتوا أنه لولا الكنيسة الكلدانية جان محّد يكلّبكم ومحد يعبركم. خير اكتافكم وشهاداتكم من هل كنيسة، مو من القرقوز ساكو!

بس لو نعرف شلون ديقبلها ضميركم؟ وشلون ساكتين أمام هل التجاوزات الغير معقولة؟ شنو معنى هل تَبَعية من قِبلكم للنرجسي المريض الحقود الدكتاتوري سم الأفعى ساكو؟؟؟ لاتنسون هل سؤال راح يبقى وراكم حتى بعد الإطاحة بساكو والعاقل يفتهم!!!