المعاون الجبان حامل الجنطة

 “من عاشر قوماً أربعين يوماً صار منهم”

يا معاون ساسوكي، يلي لا يحل ولا يربط، صرتَ عند الناس نكتة بايخة، شخصية كارتونية فزاعة، بينوكيو، عبسي، سيد ايس أيج، هرهور . كنا نعرفك خفيف الظل، فارغ المحتوى، تردد مثل الببغاء، لا فكر ولا مضمون. لكن ما كنا نتصور أن الجبن مأكل روحك لهل درجة: تشوف الخراب يضرب الكنيسة قدام عيونك، وتظل ساكت مثل “أطرش بالزفّة”.

إذا مؤمن بالقيامة والدينونة، جاوبني: شتگول لربّك يوم الحساب؟ شراح تعتذر عن سكوتك  قدّام الإهانات اللي يسكبها ولي نعمتك ساسوكي على القامات الكبار؟ انت تعرف لو كان ساسوكي من قبل بطرك ما كنت تشوف الدراسة بحياتك؟ قبلت بانقسام الكنيسة وما حليت شي بخصوص المطارنة وافتهمنا! رسامة مثلي الجنسية وافتهمنا! معارضة القسام الحرامية بأوروبا وكندا وافتهمنا! نشر مواضيع وردود ومواقف بايخة مشككة من قبل البطرك بالموقع التعبان وافتهمنا! بس الي ما نفهمه: شلون تقبل ان يهين قامات مثل (البطريرك بيداويد والبطريرك دلّي) اللي وثقوا بيك، وكان لهم الفضل بمكانتك وأرسلوك للدراسة، صرفوا عليك فلوس من جيبهم، انطوك الفرص الذهبية وعملوا منك معاون ومدير وسكرتير شخصي؟ رغم اننا كنا ايضا متفوقين لكن فرحنا باخيارك والاهتمام الزايد بيك لان كنا نعتبرك تستاهل، (طلعنا غلطانين)

أما عن صاحبك الحالي ساسوكي كان يضحك عليك بوقتها ويقول طبعا يهتمون بيه مادام تلكيفي، يستهزأ بيك في المجالس ويجمع التواقيع ضدك!

وعن الألقاب اللي قالها عليك (اسكت وخليها). مو عيب عليك تسمعها وتسكت؟ طفل دلّي المدلّل، عميل التلاكفة، زعطوط، غشيم، حبيب أبو يوسف… كلها صارت سوالف بين المطارنة والأساقفة، وانت تبلعها مثل اللي يشرب ميّة وميحسّ بطعمها.

مو ساكو نفسه قال إن قصة خطفك كانت مسرحية مفبركة حتى يسفروك لديترويت؟؟

مو كان يتهمك قدّام الكل إنك مدبّر حيلة الخطف؟؟

وبدل ما ترد وتوقف بوجهه، ساكت مثل تمثال من طين!

مو ساسوكي اللي نشر قصة: اللجوء مالتك في أمريكا لانك مريض نفسي من قصة الخطف علمود تبقى في امريكا؟

أرجع لنفسك يا ناكر الجميل، أرجع بذاكرتك لايام كلية بابل شلون جنت من النخبة في عيون بيداويد! اتذكر أفضال هالقامات عليك: اللي رفعوك من بين الصفوف وخلوك تلبس قيافة الكبار، كيف كان سيدنا دلي يعزك بحيث جنت بعدك تحجي بذكرياته من نتجمع  ووووهسة، بدل ما ترد لهم الدين والجميل، بعتهم بجبنك وصمتك، وصرت ظلّ باهت لساسوكي الحاقد، تداري وتغطي على اهاناته وتردد اقواله من دون تفكير وفهِم، حتى صاروا القسان ببغداد يگولولنا انك صرت نسخة منه.

إلى متى تبقى جبان؟ إلى متى ساكت وهو يكتب ويهين القامات وأنت مطفي، لا تحرك ساكن؟ أو يجوز موافق على المهزلة الإعلامية مالته؟ متى رح تصير رجال وتاخذ موقف؟ مو حرام تظل أداة تافهة بيد واحد يستخف بيك وبماضيك وبماضي الناس اللي حبوك وخلّوك أقرب الناس اليهم؟ مو انت اللي نشرت سنوات المجد مع دلّي؟ وكتبت عن خبرتك وياه؟ شنو اللي تغير اليوم؟ مواعديك بالبتركية؟ بئس هذا الطموح يا جبان! صير رجّال وبين موقف! وساسوكي حالف بعد ما توصل البطريركية للتلاكفة، خليهم يحلمون!!

يكفي من ناحية تبكي على تصرفات ساسوكي ومن ناحية تدعمه بسكوتك!

هسة احنا قسان مغضوب عليهم وما نقدر نحكي، يبدي يعادينا مثل ما سوى قبل،  بس انت مطران ما يقدر يطخّك بشعرة. شنو تنتظر؟

خذلك موقف واضح ولو مرة وحدة، يالمدلل حتى لو تطلب الامر قدّم استقالتك، احفظ كرامتك، وخلّي عندك موقف للتاريخ. ما نريد نكتب الي ينقال عن شخصيتك ومواقفك لان عيب. الناس راح تذكرك يا إمّا كرجل شجاع وقف وقال كافي، أو كظلّ مكسور عاش وراح بلا أثر .. عليك يتوقف الاختيار .