ترصدات البومة الكلدانية السالفة دسمة وتلزگ مثل الدهن الحر بالخبز الحار

‎

 ( الجزء 1 )

“البومة “ الله لا يحرمنا من سوالفها، تگول:-

+ ست ج…ان، المسؤولة مال الدراهم والأوقاف والأملاك والمساطحات والإيجارات بالبطركية الكلدانية ببغداد،

‎ضربت ضربة معلم!

شنو هي؟

‎حصلت شقة ملك جديدة، مقابل إيجار عمارة كهرمانة، وبخصم ما ينشرا بالأسواق. يعني المستأجر طلع ربحان فوووول، وهي طلعت بشقة ثالثة، وكلها ملك صرف، وبرا بغداد، حتى لا عين تشوف ولا قلب يوجع. خوش خطة، خوش هندسة، خوش عيون بعيدة عن الناس!

‎إحنا نطالب البترك “النزيه والشفاف مثل الشيفون” – ان يفتح تحقيق – مو مثل اللجان السابقة اللي راحت أخبارها مع الهوا وراحت ٦ مليون دولار من الكنيسة مثل ما تروح ميّة بالتراب. والناس ضلت تگول: “الساكت عن الحق شيطان أخرس”.

‎وإحنا بهذا المنشور ابداااا ما دنلزم عليها زرُف ولا دنگول كلام فاضي…المعلومة صحيحة، وأي واحد يكول غير هيچ، ذمته برقبتنا.

‎وإذا البترك يعرف بالكومنشنات الفلكية اللي ست ج…..ان. تلم بيها، ترى راح يطير عقلَه! إذا باقيله منه شي  “ولأن السالفة ما بيها مزاح، والأرقام تهد جبال، ومصالح ما يعرفها غير اللي يلعب ورا الستارة. قررنا نترصد و نحچيها لخاطر الكنيسة …