في مقالته المليئة بالسموم والحقد الغيض واللي نشرها الخميس 4/9/2025 في موقع الزبالة عن السينودس عبارة عن معلومات مضللة، وان اردتم التأكد راجعوا توضيحات صادقة في صفحة المطران ( س،س).
اما في الباطريركية التي اصبحت موقع نشر الغسيل، اعترف ساسوكي ضمنا أنه ليس مختص بالتاريخ ولا بالأرشيف ولا هم يحزنون. وكالعادة ناقض نفسه وذكر ان مجامع كنيسة المشرق نشروها بعد مئات السنين ومن نشرها وترجمها هم مؤرخون يسوون رأسه وراس اللي خلّفوه.
ولأنه خبيث ومريض بالحقد بث سمومه كالعادة كتب:
ذكر الأساقفة وجوب ضمان حياة كريمة لهم بتقاعدهم. واقعياً لم يطبَّق هذا القانون على الكل، خصوصاً بالنسبة للبطريرك والأساقفة. البطريركان بيداويد ودلي لم يحترماه. أما أنا فكنتُ قد أعدَدت إستقالتي ببلوغي السن القانونية (75 سنة) في عام 2024، لكن سحب المرسوم وأوضاع العراق غير المستقرة وإستحواذ ميليشا معينة على مُقدَّرات المسيحيين، ومقاطعة بعض الأساقفة للسينودس 2024 دفعتني للتأجيل بعد إستشارة عدة أساقفة.
طيّب. إذا المرحومين ما احترموا القرار وكان عدهم طبعا أسباب بالنسبة لهم هي معقولة فانت أيضا ما احترمت القرار وطلّعت لك من جوّا الأرض أسباب معقولة؟ وبعدين أش دخل سحب المرسوم بالقضية؟ أشو هواية مطارنة كاثوليك وأرثدوكس انسحب منهم المرسوم بنفس الوقت وما عملو المسرحية اللي انت سويّتها؟ ومحد منهم طلع وهوّس وخبّص مثلك! كل هذا حتى تبقى بالكرسي لأن تعرف إذا طلعت من البطريركية محد يعبرك بعانة وراح تسمع اللي ما تريد تسمعه من أقرب المقربين إلك.
وإذا سالفة المليشيا فأوضاع العراق وقت المرحوم دلّي كانت مصيبة والجثث يوميا بالشوارع والتفجيرات والخطف فليش هي حرام لدلّي وحلال إلّك؟ وإذا هي سالفة المقاطعة فأنت وجماعة مطارنة الشمال والذين لفّ لفّهم معكم قاطعتم كل سينادوسات دلّي ، وروما هي التي اجبرتكم مثل … على عقد السينودس 2009 وطلعتم متعاركين؟ انت وسرهد وأودو بصفحة و دلّي وشليمون بصفحة!!! نذكرك لو ناسي!!! تاج رأسك المطران سرهد سولفها وخرّط كل سوالفكم التعبانة بذاك السينودس وشولون كان دلّي يتوسل بيكم ترجعون للإجتماع وانتم مثل الزعاطيط معاندين ورافضين.
وبعدين منو هذولة الأساقفة اللي استشاريتهم وتوسلوا بقائك؟ تريد نفتح صفحتهم المصخمنه لو سوالفهم التعبانة عندك ملّفات ابتزاز تطلّعها شوكت ما تريد؟ جاوبنا: كيف تنازل لك مطران ابراهيم (البطركة) بين ليلة وضحاها؟ سوالفك الجايفة طلعت ريحتها وربّك ما راح يعدّلها بعد … هل سوف تنشر تفاصيلها؟؟؟
أبو المثل يكول: انتم مثل الگاع المبلولة، لا تزرع ولا تنشلع. فأكعد أعوج وأحجي عدّل، تره كلّكم بس توصلون 75 سنة تحلى بعينكم وما تطلعون منها إلا بجلاّق ورزالة …
هذه مو بلّية تره الناس كلها تسولف بيها ومحد مصدك اللي تقوله بس يقشمورن عليك .
ولما نستفسر! (المطارنة والقسان) يقولون: شايب ومخرف عوفوه يخربط أكثر. وانتظر مصيرك لأن الدور جايك، واللي سويتَه بالناس ينرد عليك دبل.
ربّاط السالفة هو: “اللي ما يستحي، يسوي اللي يعجبه”، وكلنا نعرفك ونفهم وضعك المريض بالسلطة وما تشبع من الكرسي، متخيل نفسك إذا تطلع راح تذوب مثل الملح بالماي. كل يوم تطلع علينا بشماعة: مرّة المرسوم، مرّة المليشيا، مرّة السينودس. هي كلاوات لتمويه وتضليل الناس. إنت مو بس دورة شماعة، فتحت معرض شماعات!
وشر البلية ما يضحك انك؛ تعيّب على المرحومين ما احترموا القرار، وإنت نفسك مو محترمه! بس حتى تبرر لنفسك، يامريض شكّد عندك تنافر وتناقض وانفصام بشخصيتك: عقلك يگلك “أنا نزيه… أنا قانوني… أنا أحترم القانون”، بس أفعالك تگول “أنا متشبّث … متمسك … مجلّب للموت بالكرسي”. فطلعت بزلاطة من الأعذار، مثل طفل يگول: “الكل سووا غير شكل، ليش أني ما أسوي؟”
افتهمنااااا
انك خايف ومرعوب لا يطير الكرسي منّك، وهو بالنهاية طايّر وما تريد تشوف هل اليوم بعينك وتتمنى تموت ولا هل الساعة الكّشره. بس الخربطة هاي مال نشر الغسيل عوفها لان الي بعدك ممكن ينشر لباسك للعلن…
اعذروني على اللهجة! مجبورين نحجي بلغة الشارع حتى يفهم عديم الفهم …
