اكو واحد اسمه (مطي) وعلى مرور الزمن هذا الشخص تزوج وصار عنده اولاد وبنات، فد يوم فكرت زوجة هذا الشخص الي اسمه (مطي) وشارت عليه كلتله غير اسمك، كالها ليش؟؟ كلتله لان بناتنا باجر ايخطبونهن واليجي يخطب من عدنا شيكول للناس راح اخطب بنت (مطي).
كلها زين راح اغير اسمي
المهم راح الى شيخ العشيرة وقصله القصة فكله الشيخ انت لازم اسوي (عزيمة) وتعزم العشيرة حتى يكون تغير اسمك على علم من العشيرة،
الرجال سوى عزيمة وعزم العشيرة كلها وجانت هاي العزيمه ابيت الشيخ، اجت العشيرة وكعدوا ابيت الشيخ (وأكلوا وشبعوا وتهنوا) بعد هذا سالوا الشيخ على سبب العزيمة، كللهم الشيخ جمعناكم يا اخوان على امر مهم وهو تغير اسم اخوكم (مطي) الى اسم مقبول لان صاروا عنده بنات واولاد وباجر يخطبون من عنده ويخطب عند الناس فهو يريد يغير اسمه،
فكلوله الامر امرك يشيخ ،
المهم بعد مداولة كثيرة ومشاورة اختاروله اسم (جحش)
فهذا الرجال شكرهم على تغيير اسمه وراح الى زوجته يبشرها وبعد ما وصل للبيت سألته زوجته كلتله بشر شنو اختارولك من اسم كللها الحمد لله غيروا اسمي من (مطي الى جحش) فردت عليه وكلتله طاح حظك ،
كلها ليش؟؟؟
كلتله لان نفس الشي، هم تكبر وهم تصير مطي
فالقضيه مايرادلها توضيح يا اخوان هو مطينا نفس المطي ما يتغير ابد
