من يوم اللي طلعت سوالف سلطان سانتيغو وصارت فضيحة الكلدان تدگ بجلاجل، والشماتة صارت علينا من الرايح والجاي… من اللي يسوى واللي ما يسوى… واحنه بس نكول بحسرة:
حيّف إلّخ عيتا كلديتا.
الناس كلها مستغربة… شلون واحد عنده شهادات ويظل يحاضر ليل نهار بالنزاهة، والصراحة، والصرامة، والضرب بيد من حديد على الفساد…
اللي صمّع راسنا بالدفاع عن الأرامل والفقراء والمساكين…
اليوم نفسه يدافع بشراسة عن واحد خامط فلوس الفقراء، ومتعري بتيوانا، ومربي أطفال أمراة!
مو إنت اللي صارخ بوجه الظلم؟
مو إنت اللي متهاوش ويا الله وعباده وحتى المتوفين ما سلموا من لسانك؟
هسه جاي تسوّي حامي حمى لسلطان فاسد بكل المقاييس؟
وتريد تطمطم على سوالف مو بس الناس تعرفها… حتى الفاتيكان موثقها؟
تحب الإعلام مو؟
تفضل… فضحتونا بالسوشيال ميديا بسوالفكم القذرة!
قبل… كنت من جوا العباية تربي ذيول وتتجندلك مخابرات.
اليوم؟ ذيولك كبروا… سيطروا… محد يگدر يزيحهم…
واللي يتحارش بيهم… يضرب راسه بالكونكريت.
أول: الذّيول
فرخ أوروبا المدلل…
بشهادة شباب وقسان زاروا هناك: متحرش، ملامس، وطالب صريح ينام وياهم.
وحتى التماثيل ما مخلصين منه!
وفوق هذا… غسيل أموال وعلاقة بعصابة مخدرات.
طلع عليه حكم رسمي: سنة سجن وغرامة.
بس لأنّه حبيب القلب… نقلته لبلد الأهرامات، وقدّمته رئيس طائفة!
وقندرة بحلگ كلمن يعترض.
الثاني: سلطان الموصل
صديق المراهقة…
دون جوان التراث والآثار!
“شيّل وعبّي بالخرج”…
خمط باسم المخطوطات، وباسم التاريخ، وباسم الكنيسة.
وتگول ما تعرف؟
تعرف… وأكثر…
بس محد يطخه بريشة.
عاطفياً ماشي على قانون الله محلل اربعة! والحلو انه يعرفون ببعض وموافقين على بعض وماخذينه بالدور سي سيد … بس يستاهل مادام معادل بيناتهم وفاتحلهم باب رزق … والتفاصيل نذكرها بمقال خاص .
الثاث: مختار ألقوش وشيخان
فساد مالي وجنسي للنخاع.
عضو بارتي… وعاشق من يوم يومه.
احتيال يخلي الشيطان يحك راسه!
وفوقها… مرشح للمطرانية!
وقندرة بحلگ كلمن يعترض.
رابعهم: أبو المحاكم
مستشارك القانوني…
اختصاص أطفال!
يمشّي قرارات مخالفة للقانون بألف دولار وشوية أكثر.
كلما يزيد الدولار… تصير القضية أسرع.
قرارات بطلان تنحل بالتلفون!
والقسان اللي اشتغلوا وياه يحلفون ما يعرفون عنها شي.
يكوللها ماعنده زوجج ذوق شلون يعرف هيج جمال ينام وحده !!! لا يا ناقص على هل غزل !!
عاتبه احد القسان بخصوص التحرش! جوابه كان هو بس شوية لعب بالصدر هذا ما يعتبر تحرش!!! لا يتناقص مملي قوانين ومعيار للتحرش على كيفك!!!
وفوك القهر مرشح للمطرانية أيضاً!
سووه مطران… وخلي اللي ما يشتري يتفرج.
خامسهم: على طاري المطرانية…
يُقال النرجسي مرشح واحد خمط فلوس رهبنته وهرب لأمريكا…
عرف يلعب على الحبلين:
مطيّع هناك… وذيل هنا ينقل الأخبار.
مغامراته مصورة… موثقة…
والحكم فعلياً بيد امرأة من نفس الملة!
وهسه مرشح سرياً…
وقندرة بحلگ كلمن يعترض.
المصيبة؟
يتصور ساسوكي القزم ان القسان والعالم غشمة!
ويحسب تهديداته الفيسبوكية وعنتراته الإعلامية راح تعبر علينا.
يحچي عن محاربة الفساد…
وهو أكبر غطاء إله!
يتهاوش بالفضائيات حتى يغطي على فشله.
يوجّه الأنظار لمطران السويد…
حتى ننسى ليطا الفحل!
بعثنا إيميلات… صور… محادثات… مخالفات…
لا جواب… مرات بلوك.
ويكذب إذا يقول ما وصل شي…
كلها موثقة عدنا:
سهرات للقسان لحد الفجر…
سفرات منتجعات: تيوانا، شرم الشيخ، المغرب، تونس، بولندا، سويسرا…
سرقات عيني عينك…
تجاوزات على المؤمنين…
وجيب ليل… وخذ عتابه.
وحيّف… إلّخ عيتا كلديتا
