بعد أن انقشعت غيمة (السينودس الكلداني) السوداء والكل طلعوا حبايب وشبعوا قُبلات وسلامات وتحيات ولا كأنه ماكلين بعض صار سنة! زرفو رأس أبهاتنا بزعطوطياتهم! فضحونا بال سوشيل ميديا! وقسموا وفرقوا واجتمعوا وفق مبدأ: عبّر لي هل السالفة وأغطي عليك بسالفتك. مشيلي مُرشحي وأمشيلك مُرشحك.
بعد السينودس طلعت السوالف التعبانة ومثلما توقعنا الأسماء المرشحة كارثية، فلنقرأ على الكنيسة السلام.
(غاب الأسد فظن الحمار انه ملك الغابه)
– وصلتنا قصص وروايات من بلاد العجائب والغرائب ومن القوش عن أول المرشحين صاحب السعادة غ ش اللي بدأ يمشي ملكا واثق الخطوات نحو تجليسه مطرانا بدعم خارق حارق من ساسوكي اللي أكد له ان قضية المطرنة مسألة وقت واشترى البدلة والعكاز بعد أن صفت له الأجواء وخلّت له الساحة، “من بعد غياب ثابت الاسد يظن الحمار نفسه القائد” وماكو مَن يقول له: على عينك حاجب، ومن اين لك كل هذا المال يا صاحب السعادة؟ وين دتروح فلوس الماء والكهرباء؟ وصولات لمكائن زراعية وهمية! باصات باسم الكنيسة للحبايب! صاحب اكبر عدد من رواتب لجهات مختلفة! شلون حصلت على وظيفة في جامعة الموصل؟ وين ضميرك من تستلم أربع رواتب؟ شنو شعورك من استلمت حقيبة انت ودميخا من البارتي كعربون الولاء ؟
– نسأل القزموز ساسوكي، يلي مدوخنا بالأخلاقيات؛ إذا هذا مو فساد مالي وإداري لعد شنو هذا يا صاحب السمو؟ لو هذا لوگي من جماعتك! ذيلك الوفي وفدوه لعيونه كلشي؟
– تؤكد البومة الكلدانية لموقع الحقيقة: أن صاحبنا المشهور ببطولاته السكسيّة رتبَ وضعه مع البارتي وصار زولية لرجليهم (حسب قول احد القادة بدهوك: القس هذا بالجيب) وهنا الحزب لمصلحته وصّى به جيدا وقامت كوادر متقدمة في قيادة البارتي بالاتصال ببعض المطارنة وتزكيته لهم بدعم خاص من البارتي له، بداية من الأميرة المُدللة مديرة الناحية مرورا بجماعة المحلية والشباب اللوكية المهرولين خلف كل طاغوت.
(حيف إلخ ألقوش يما دمثواثا) اليوم ألقوش عتيقتا تسولف بمغامراته المفضوحة (دون جوان ألقوش) معروف عنه وين ما ينبص يلكط. عشيقة في إيطاليا. عشيقة في ألقوش. وعشيقة في دهوك. عشيقة في أوروبا، عشيقة في كنجان ستي. مزاجه (يكون اغلبهن متزوجات) صاير بطل مسلسل تركي يمثل العشق الممنوع، عنده كمية مشاعر وعشق فائضة ومتخم، بالتصچيمات ما مخلي وحدة تعتب عليه.
خف علينا ابو سهرات ودك وركص وسكر وعربدة بشقة في دهوك للصبح (مع شهود عيان). أبو العشق تره الشباب مراقبين خطواتك! يعني گعدتك عل الكرسي مو معناها راح ترتاح من عدهم. بالمختصر لا المنصب يفيد ولا البطرك يخلصك من الفضايح مالتك. ريحتك فايحة من زمان.
اما عن سرقة الأموال عيني عينك ومشاريعك المُبطنة ومصالحك مع مطران دميخا كلها عدنا بالأرشيف يا ناقص عاطفة وحنان!!!
لا انت ولا قرارات البطرك ولا الحاشية مالتكم تقف تواجه جبل ألقوش!!! احنا بالمرصاد
وقد اعذر من انذر
