مرة أخرى يأتينا الرئيس المُبجل المُفدى ليعطي الحقيقة لانه صاحبها بل مصدرها!!!
ما يگعد راحة النرجسي المخبول،
يقول ان عقلية الأنا ومع الأسف انسحبت إلى الكنيسة بسبب وسائل التواصل! صدك جذب!!! على من تضحك بعد عبارة بلا زحمة؟؟؟ منو عايش الأنا غيرك يا مريض؟ منو ديقسم الكنيسة ومنو ديثير الشكوك غيرك يا ساسوكي؟
وصلت بيك الحال تجدي احترام من الأساقفة وخاصة من الي فاقع مرارتك وصاير شبح الك، ما يكفيك الشعور بالمؤامرة الي تبنيته وصدگت روحك! تره بالعافية عليك منصبك. هو انت شنو غير ناطق رسمي لايقدم و لايأخر!!!
نجي عل أحد كهنته المخلوعين؛- نزيدك علم لانه بصراحة طلعت فعلا طرطور ما تعرف شي عن وضع السيمنير والكهنة:
الإنسان الراقي جداً ليس مخلوعاً يا مخلوع العقل والفهم! لقد ترك الكهنوت برغبته الحرة وليس كما تروج انت. وهذا تم من خلال طلب رسمي قُدم لقداسة البابا من خلال القنوات الرسمية، (السفارة البابوية في بغداد وكذلك دائرة Dicastery for the Clergy) وبوجود ملف كامل وبشهود كاهنين من الابرشية حسب المتطلبات. يستطيع القاصي والداني التاكد من هذه المعلومات.
بالمناسبة، أكيد شفت صورته قبل ايام مع قداسة البابا، روح تأمل بيها تلگى الصفاء والبياض الي من زمان غايب عن عالمك المشوه. نعلمك يا مطَفي: هو الان علماني وحر ويعمل اين ما يشاء ليس لك سلطة عليه يا فطحل زمانك. يعني لا تتقارش بيه ما يفيدك، لانه مو تحت سلطتك بعد وطبعا هذا الي يموتك قهر انه مو تحت ايدك الخايسة.
بصراحة، مبين إنه اختار النصيب الأفضل ومن حقدك بين فترة وأخرى تشمر عليه حصوة وما توصل لباب غرفتك، دير بالك ترى عنده جيوش جرارة يعني “مد لحافك على گد رجليك”.
أما عن تهديدك الأخير بخصوص سحب التلاميذ من المعهد الكهنوتي لغلقه ومنع الكهنة من المشاركة في الرياضة الروحية، هي ليست كما صرحت (يعلمهم العصيان) فقط نقول لك إسال الذين لم يحضروا كم هم سعداء لان وجودك الثقيل يخرب الرياضة الروحية ويجعل منها اتعس من طريق المشنقة. فقط نطلب منك ان تسألهم لماذا لم تحضروا ليقولوها لك وبابتسامة: (هَم وإنزاح)
مبروك عليك فشلك الذريع بكل تخبطاتك
