تعـلـيقاً على الـقـنبلة الأخـيرة للبطرك ساكـو :
مـو دزّوا الــقـداس الساكـوي الى الفاتيكان وفحـصوه ؟
وطلع ما بـيه كـورنا ووافـقـوا عـليه ؟
بعـدين ، مو أنطوه للتجـربة لخـمس سنين ؟
حـتى تـنـﭽـرخ البراغي وتـرهم الصامولات مالته عـل المكـينة وتأخـذ قـرارها ؟
وْ وراها اللجـنة اللي گـلبَـت عـلى مار سرهد ، مو چانت هي المسؤولة وتدقـق كل شي؟
ليش البترك لهـسّا ما موضّح إلهم ( أقـصد للفـاتيكان ) تفاصيل قـداسه
إذا بالعـربي لو سنسكـريتي؟.. ليش يـﮔـول هـمّه ما يفـتهمون ؟
لعـد هسا إكـتـشف ان الإيطاليـين ما يفـتهمون العـربية والكلدانية؟
معـقـولة هاي الموافـقات چانت مبنية على النص الساكـوي بالكلداني والعـربي
بدون ترجـمة؟ هذا البترك طلّعـنا من طريقـنا
فإما هـو فاقـد مواصفات المسؤولية والمصداقـية
لو المطارين مالـتـنا كلهم ــ بدون إستـثـناء ــ خـردة ونايمين
لو إحـنا د نـفهم غـلـط ؟؟؟
وبعـدين نـﮔـول يا قـداسة الماجستير أبـو البديعـيات ، شلون تـﮔـول :
ست أجـنحة تغـطي وِﭽّـمْ … وتغـطي أسْـفَـلِـمْ ؟ وتغـطي ما أعـرف إيش ؟
شنو ما أعـرف إيش ؟ شنو أسـفـلِم ؟ صُـدُﮒ شـنـو أسـفـلِم ؟
أنت بطرك مو عـيب تـﮔـول كلام مثل هـذا على نص الكـتاب المقـدس؟
تعـرف بالعامية شـنـو معـنى أسفـلِم ؟ يعـني مؤخـرة ….. أنت شايـفـها ؟؟؟
وما اعـرف ايش .. يمكـن تكـون أي جـزء من الجسم ، وانت حَـدّد بـراحـتـك
بالله ، لو واحـد مُلحـد ﮔـالها ، چان مشيناها ، بس رئييييس كـنيسة وبططططرك يـعععععععـني و هههههههـييييييككككك
وما أعـرف كم دكـتوراه وماجستيراه ؟ لا .. هاي ما ينسكـت عـليها
والاقـوى منها .. حـديقة الحيوانات… صدگ چـذب ؟؟؟!!!
عمي هذا الـقـداس صارلنا آلاف السنين نسجـد إله بخشوع وطلع
حـديقة حـيوانات؟؟؟ هذا صدگ ديحچي؟؟؟
البابا بناديكتوس ١٦ المتقاعـد اشار الى قـول في محاضرة على قـول لشخـص آخـر
ما أعـرف كم سفارة حـرگـوا ، وكم تظاهرة طلعـوا ، وكم مكتب حـرگـوا
وشلون الإعلام العالمي گَـب بأكـمله
چا إحـنا شمالنا ما نحـرّك ساكـن ؟؟؟
يا بطاركة واساقـفة الكنـيسة الشرقـية الاشورية والـقـديمة
ديروا بالكم لا توقــّـعـون الوحـدة مع الكـنيسة الكلدانية
وخاصةً ويه هـذا البطرك أبو الهـيك ! لأن عـمو ساكـو ، طلعكم من حـديقة الحيوانات
ولمَّن باسْ إيـد المرحـوم ، وگال أتـنازل من منصبي كـبطـرك
ومستعـد أبوس رجله هـمينا
هـذا چان فـلم هـندي !! كان يريد يصير رئيسكم وبعـدين يلعـب بـيكم
طوبة پـيـنـﮒ پـونـﮒ!!!
آني ويه الوحـدة ، بس ويه هذا البطرك ؟؟ لا وألف لا
طره راح يعـرّبكم ويأوّنكم ويجـددكم
وحاشاكم ، يطـيّـح حـظ حـظكم مثل ما طـيّـح حـظ حـظـنا
أريد أسأل اللي محَـصلين دكـتوراهات من الفاتيكان
بالقانون الكـنسي والكـتاب المقـدس والتعاليم الكاثوليكـية
شنو الحكم على رجل دين من يرتكـب هذا النوع من الجـنحة او الجـناية ؟
عـمي روحوا راجعـوا الشهادات مالـتكم وجـيـبولنا الجـواب !!
(( هاي اذا )) باقـية مسودات دراستكم ودكـتوراهاتكم
آني بلا دكـتوراه ولا أسقـف !!! لكـن غـيرتي ما تـقـبل أسمع كلام مثل هذا
شلون أنـتو حافـظي ايماننا ؟؟؟ وَبِّـخـوا ولا تخافـو ، أكـتبوا وقـولوا الحق
قـولوا بطريقة دبلوماسية مثلا: هـذا يعـني ما متوقعـينه منك هـيك
أو هذا ما مناسب أن يطلع للعامة
أو شيل جلالاتك وأطلع ، روح بشِّـر بالعـربي ألـ ٩٦٪
فـد واحـد صاحـب البطرك گال : الساكـت عـن الحـق شيطان أخـرس
هسه أنـتـوا حـدّدوا منو الشيطان ؟؟؟ احنا ؟ لو انـتـو ؟؟ لو البترك ؟؟؟
وإلاّ أكـو رابع وما احّـد يعرفه ؟؟؟؟؟؟؟ كافي ؟ لو تريدون بعـد ؟؟
أخـوكم : جـهـينة إبن الكـنيسة
